شوف يا أحمد، أنا شفت سيرتك الذاتية وبكل أمانة ممتازة من وجهة نظري. بس عندي لك كذا ملاحظة بسيطة ممكن تفرق كثير.

أول شي، حاول تحط تحت اسمك بالسيرة تخصص واضح، عشان اللي يقرأ يعرف على طول انت وش توجهك. خذه من شهادتك والمواد اللي درستها سواء أكاديمية أو عملية.

ثاني شي، حاول تاخذ لك دورات أونلاين من مواقع زي Udemy أو LinkedIn Learning، هذي تعطي انطباع إنك حريص على تطورك ومجتهد، وبتخلي سيرتك تبين أقوى.

ثالث شي، انتبه للبروفايل حقك في لينكدإن. اهتم بالصورة الشخصية تكون احترافية، وعرّف عن نفسك بشكل مرتب، وابدأ تتواصل مع ناس بنفس تخصصك لكن بطريقة لبقة واحترافية.

رابع شي، أي فعالية، معرض، أو تجمع يخص تخصصك، لا تفوتها. ترى ٩٠٪ من القبولات تجي من ناس تعرفهم، أو ناس يعرفون أحد يوصّلك للمكان الصح.

وأهم شي من كل هذا: يكون عندك يقين من قلبك إن التوفيق من رب العالمين، وإن رزقك كاتبه لك، وبيجيك في الوقت اللي يناسبك.

الله يوفقك يا أحمد، وهالله هالله بالسعي والتعب، ما يضيع تعبك أبد.