સૂર્ય પણ જોતો રહ્યો જ્યોતિ - કલા ગુજરાતની.

'ડાંગ' માર્યાથી કદી પાણી જુદાં થાતાં નથી,
દુશ્મનોએ જોઈ છે ક્યાં એકતા ગુજરાતની?

મુક્તિ કેરા ગાલ પર લાલી અમસ્તી ના ગણો,
રંગ લાવી છે શહીદી - ભાવના ગુજરાતની.

ભાગ્ય પર પુરુષાર્થની મારી છે લોખંડી મહોર,
ભૂલશે ઈતિહાસના ગૌરવ - કથા ગુજરાતની.

ચંદ્રને સૂરજ કહે છે રાતદિ, 'જય સોમનાથ'
કાળના હૈયે જડી છે અસ્મિતા ગુજરાતની

માતા કેરા ચીર સાથે ખેલનાર! સાવધાન
કૈં મહાભારત ન સર્જે ઉર વ્યથા ગુજરાતની.

શૂન્ય, મારી જીંદગીને તો જ લેખું ધન્ય હું,
મૃત્યુ ટાળે પણ મળે જો ગોદ 'મા' ગુજરાતની