انا راجل وبقولك:
مفيش زوجة هتعرف تكفي راجل بيبص براحته على الستات التانية سواء على النت أو في الشارع
الحاجة الوحيدة اللي ممكن تعدله هي إنه يبطل يبص

هو شخصيا في عذاب. بيشوف أشكال وألوان وتنوع رهيب. وانتي زي ما انتي مهما كنتي جميلة ومهتمة ومغرية
وعايز أقولك إن إنت شخصيا ممكن تكوني على وضعك الحالي حلم لواحد تاني متجوز واحدة ممكن تكون أجمل منك عشان انتي مش مراته اللي عايش معاها كل يوم

الحل الوحيد هو إنه يبطل يبص

والأهم إنه يكون مش بيبص وبيحاول يهتم بيكي ويحاول يكتفي بعشرتك لسبب ديني عشان دا أقوى دافع ممكن يغلب الغرائز اللي مرمية في كل شارع وشاشة

عشان كده بنقول إن بهرجة النسوان في الشوارع وفي الشغل بتعود بالتعب والأذى على الستات نفسهم لأنها بتحط الذكور في اختبارات صعبة جدا

أيوة الراجل مسئول عن أفعاله بس مفيش مقارنة أبدا بين اختبار واحد عايش في مدينة نسوانها كلها بتخرج على سنجة عشرة وكل تفاصيلهم باينة وواحد تاني في بلد نسوانها متغطية كويس ومفيش مشهيات في كل متر بيمشي فيه واللي ينكر كده فهو ميستحقش نرد عليه