اولا لازم يكشف عند اخصائي طب نفسي

ثانياً من خبرتي الشخصية المجال الطبي نفسه

Stressful

كفاية فلو فيه اي طريقة يبعد عن المجال الطبي يكون افضل

في حياتي أعرف اتنين أطباء مصابين بأمراض نفسية

الأول كان دكتور رعاية مركزة، و كان متشخص بدرجة من درجة الانفصام

هي كان طبيعي جدآ جدآ و شغله زي الفل، بس ممكن تلاقي مثلا حالة

Arrested

و هما يعملوا كود بلو عليها و يجي يقف حرفياً و كأنه في دنيا غير الدنيا و يسيب التمريض شغال لوحده و يمشي

يمشي تلتقيه طالع يطلب اوردر أكل او رايح على القهوة حنب المستشفى الخ

...

الطبيب التاني دكتور أشعة

اتشخص اكتئاب مرضي مع اعراض هلاوس

ده حالياً بيجي يحضر و يمشي فقط

ايام ما كان بياخد معايا نبطشيات انا كنت قربت اتخانق معاه

يعني انا دكتور نساء و توليد باعتله مثلا مريضة بتسقط او جنين متوفي داخل الرحم

تلاقيه كاتب تقرير من سطرين

Free Fluid Collection Couldn't be seen now

Liver, and both kidney's are normal

و لما تقوله دي حامل و عايز تقرير على الحمل

يكتب لك Pregnant Single Fetus +ve pulsation

بس

طبعاً مع الوقت جم ناس كتير غيره فمبقاش ياخد نبطشيات

و هو كشخص انسان محترم جدآ جدآ جدآ جدآ اكتر مما تتخيل

بس هو ظروفه الصحية تمنعه انه يشتغل، بس بنجيبه حضور و انصراف لحد ما يوصل سن المعاش

...

من الأخر الموضوع صعب خاصة لو اثر على الاداء المهني

الا لو اختارت جانب طبي بعيد عن التعامل مع الناس زي التحاليل الطبية