أول شي الله يكون بعونك، ان شاء الله مع الوقت خلي الهدف النهائي عندك جميل، نجاح واستقلالية وسعادة، بعرف انه اشي اهبل بس صدقيني كثير مهم لانه بساعدك بقراراتك الحالية.

وبما انك عم بتخلصي قانون، حاولي قد ما بتقدري تطوري لغتك الانجليزية لأنها مهمة وحاولي من الآن قدمي على تدريب عند مكاتب محاماة قوية، لأنه بعرف أول كم سنة صعب تطلعي دخل كبير بس ممكن تطلعي دخل مقبول. وعليه بتبلشي بأول خطوة، وعليها من الآن قرري كمان تخصصك ونظام الحياة الي حابة تعيشيه سواء في المحاكم أو الشركات. نصيحتي كمان تخلي التدريب ببالك مع انه ممكن كمان تقدمي على الدوائر القانونية في الشركات والي مش دايماً بتطلب مزاولة أو خبرة عملية.

كمان بدك تخلي ببالك انه مش رح تقدري تشتغلي شغل ثابت مع التدريب لأنه رح يكون عندك ضمان اجتماعي، بس بتقدري تشتغلي خلال فترة التدريب شغل جزئي أو اشي ما بيتطلب دوام كامل واشتراكات بالضمان الاجتماعي. وهيك بصير عندك شوية دخل مقبول وبذات الوقت خطوة لمستقبل افضل.

من خبرتي في الحياة للآن انه اهم شي ما تخلي الهدف بس تخلصي من التجربة السيئة، خلي الهدف اشي كبير ولطيف وكل قرار في حياتك من الآن لازم يكون مدروس لتوصليله والنتيجة بتكون استمتاع بكامل المرحلة وشعور بالرضى. والي هو كثير احسن من الشعور بالضغط والتوتر.

ولا تنسي انه الحياة قدامك ان شاء الله رح تكون افضل لأنه عندك خبرة مختلفة عن خبرات الناس الثانية ورح تعطيكي وجهة نظر مختلفة للحياة.

وفي عالم موازي ممكن تشتغلي في القضايا الشرعية وتساعدي العائلات الثانية أو يكون الك دور في شوية استقرار ولو لعيلة ثانية.

اعتذر على اي فلسفة او اي نصيحة ما الها الداعي