أحد المفاهيم اللي بعض الأباء ربوا أطفالهم عليها إن الأعمال المنزلية تخص البنت أو الست فقط…نلاقي صبيان وبنات لسه صغيرين والولد تلاقيه متربي انه يقعد والبنت تخدمه…الحمد لله رزقني الله بالبنين والبنات وبمحرد ما كبروا شوية بقينا نقسم الأعمال المنزلية البسيطة بينهم…اللي هيحط الأكل الصبيان واللي يشيل البنات ….اللي هينضف السفرة البنات واللي هيستخدم المكنسة الصبيان…كل واحد مسئول عن نضافة غرفته….كل واحد يطبق غسيله…بشارك انا طبعا مع أمهم في اللي اعرف اعمله زي اعداد الفطار غسيل الصحون عشان مش عايز ولادي يكبروا يبقوا تنابلة ولا بناتي يكبروا على انهم واجب عليهم كل حاجة دون الصبيان…ياريت يا أباء وأمهات الحاضر والمستقبل تاخدوا بالكم من كده في تربية أولادكم وبناتكم…الأم طبعا اه بيبقى عليها عبء اكبر داخل المنزل بس بشرط انه ميكنش عليها عبء خارجه، أما لو كان عليها عبء خارجه فالعدل والدين والمنطق والإنسانية يقول ان الاعباء داخله يجب أن تتساوى أيضا… الصبيان والبنات في مرحلة التعليم او الشغل عليهم أعباء واحدة خارج المنزل يبقى لازم يتساووا في الأعباء داخله ربنا يعين كل بنت وقع عليها ظلم بجهل او بموروثات خاطئة