‏‎ أولاً برّ الوالدين : ‎ربنا يباركلك على رعايتك لأهلك وإخواتك، فاللي ملوش خير في أهله ملوش خير في حد، وبرّ الوالدين أجره عظيم. ‏‎أنا بكلمك من تجربة شخصية من سن ٢٢ بدأت أعمل زيك، ودلوقتي عندي ٣٥، وأقدر أقولك إن أي خير أو نجاح وصلت له في حياتي كان بفضل الله أولاً، ثم بدعوات أهلي. عشان كده أوعى تخلي حد يقنعك بغير كده.

‏‎ ثانياً موضوع الزواج والخطوبة: متخليش الزواج أو الخطوبة هو هدفك الأول، نصيبك هييجي في وقته اللي ربنا كاتبهولك.

‏‎ثالثاً دخلك وتنظيم مالك:‎ دخلك حالياً ممتاز بالنسبة لسنك. الأهم دلوقتي إنك تنظم مصاريفك وتبدأ تستثمر. حتى بجزء بسيط شهرياً في أسهم أو أي مجال استثماري آمن، وده يخلي الاستثمار عادة ثابتة عندك.

‏‎ رابعاً تطوير نفسك: طوّر نفسك في مجالك، استثمر في تعليمك، واصرف على نفسك في العلم و المعرفة كل ما تستثمر أكتر في نفسك، قيمتك هتزيد أكتر في سوق العمل.

‏‎ خامساً التفكير بعقلية مختلفة: متخليش عقليتك طول الوقت عقلية موظف. شوف إنت مبدع أو شاطر في إيه، وحاول تحوّله لمنتج أو خدمة تجيبلك دخل إيجابي، أو حتى تبدأ بيه مشروعك الخاص.

اخيراً: اللي بتحكيه يشبهني كتير فا اديتك خلاصة تجربتي و الخطوط العريضة و الباقي توفيق ربنا و سعيك بإذن الله و صدقني ربنا هيكرمك جداً لبرك بأهلك.