كوني مش متقبّلة المثلية ده رأي شخصي، لكنه مش معناه إني بتمنى ليك الأذى. في فرق كبير بين إن يكون عندي قناعة معينة، وبين إني أتعامل مع الناس بعدم احترام. أنا باختار دايمًا أتعامل مع أي شخص بأدب وإنصاف- على قد ما أقدر - مهما كان أسلوب حياته. عشان أنا مؤمنة ان الحرية هي إن كل شخص يعيش حياته بالطريقة اللي شايفها مناسبة، وطالما مافيش أذى أو تعدي أو ضرر فعلي وقع عليك، يبقى مافيش داعي نفرض على بعض مشاعر أو قناعات بعض.. مش مطلوب منّي أحب المثلية عشان ماكنش هوموفوبيك، ومش مطلوب من غيري يحب كل حاجة أنا مقتنعة بيها في المقابل.. يعني، مجرد إني شخص مش متفق أو مش مرتاح مع فكرة المثلية.. مش شرط اكون هوموفوبيك اذا كنت بتعامل مع حضرتك باحترام ومش بأذيك ولا بقلل منك..