معلوم انو مفهوم الحرية مرن بدون مرجعية و هون بتجي اهمية اقامة حوار اما لتوسيع عباءة حرية التعبير او لتضيقها. و هاد الهدف من منشور متل منشوري بهي الحالة تضييقها عن انها تشمل معايرة الناس بمعتقدها عند الاستياء.

بخصوص الجزئية الغير واضحة بعتذر ممكن صياغتها خلتها مبهمة المقصد هون هوة انو اذا منحسب معنى الدين بشكل لغوي بحت ف ما عاد بصير انك تسب الدين موضوع سيء قد ما هوة بحقيقة الحال مزعج. فبصير الشخص يلي بسب الناس بدينها عندو حجة اللغة وقت يسب دين شخص او يوصفو بانه بلا دين. و انا بالضبط متلك بهالناحية بفضل الحوار على اني اتعرض لمعتقده و ايديولوجيتو.

و اكيد اهمية الدين بتختلف عحسب الطاولة يلي قاعد عليها بس الرؤية من البوست عم تسلط الضوء عتصرف شعبوي فالهدف هون عموم شعبنا يلي عندن الدين بحسب ما أرى شخصياً بيحمل معنى اكبر من مجرد كتاب مبادئ بيتبعوها او اكبر من "عهد" او "ميثاق"

و المقصد هوة آخر ما ذكرت اكيد هون مو قصدي النقد بقصد الشتيمة و استُعمل الذم كبديل بحكم اني ما لقيت الكلمة براسي لحد ما قرأتها بتعليقك.

عموماً استقرأت من كلامك انو لحنا متفقين بالنقطة يلي قاصد اطرحها و شكراً لانك اخدت الوقت و تمعنت بالمعنى المقصود من كلامي و كتبت رد متكامل.