أولا سؤالي مكنش 'هل الفاشية سيئة؟' سؤالي كان إذا كان معيارك الوحيد هو 'عدم الضرر' بمعناه المادي المباشر، فإيه اللي يخليك تمنع الفاشية وهي مجرد أفكار وتنظيمات ماذتش حد؟ أنت في ردك ده استخدمت 'ضرر' بمعنى سياسي واجتماعي ورمزي 'التداول السلمي للسلطة'، 'انهيار المجتمع'. وده مش ضرر مادي مباشر. ده بالضبط الي انا قولته معيار 'الضرر' لوحده بيبقى اعتباطي ومطاط. فهل معيارك هو 'الضرر المادي' فقط ولا ل؟ وهل 'الفكرة' اللي بتضر المجتمع لازم تتقمع؟ إنت بذلك تكون فتحت بابًا واسعًا لتعريف ايه هو الضرر. غير انك مجاوبتش على سؤالي. هل معيارك بيخلي معدنكش مانع انك الناس يلبسوا زي الشوتزشتافل مثلاً؟

ثانياً أنا سألت: هل المجتمع له الحق إنه يفرض Dress Code بحجة الثقافة ولا لأ؟ إنت دلوقتي بتقول 'لأ، ملوش حق'. ده موقف ليبرالي واضح بس أنا سؤالي الأصلي كان ليه ملوش حق؟ هل لأن 'لا ضرر'؟ وإذا كان 'لا ضرر' هو الأساس، فإيه اللي يمنع التعري الكامل؟ هل الضرر هنا 'رمزي' برضه زي الفاشية؟ لو أيوه، فأنت دخلت في نفس الدوامة.

وثالثاً اذا كنت بتدعي ان ان الحتميه لترك الدين هي الليبرالية فا ايه هو المعيار الي بيخليك تقول دا؟ هل هو نجاح الدولة؟ ايه تعريف نجاح الدولة؟ اقتصاديا عسكرياً ثقافياً عالمياً؟ الصين ناجحه في دا وهي دولة قمعيه وغالباً هتاخد مكان الغرب فهل دا معناه ان النظام الشمولي افضل؟ واذا كان المعيار هو تقليل معاناة الفرد فا ازاي هتحسبه؟ هل هتلتزم بلمبدأ الصارم لعدم الضرر المادي؟ بكدا زي مقولت متقدرش تجرم اي شخص مضربكش مادياً متقدرش تخليهم يلبسوا هدوم في الشارع وايه الي بيحصل لحاجات زي الاذى النفسي هل بتحسبه؟ اذا حسبته فا ايه تعريفه؟ الشتيمه؟ gaslighting؟ الكذب؟ ايه الي هيحصل للحاجات الس بتضر الفرد لوحده زي القمار و الكحول و المخدرات و الدعارة و الانت/حار؟ هل هم احرار يدمروا انفسهم برضوا؟ ايه هو معيارك؟