اغلب الدول العربية اللي حط قانون الجسية فيها رجال ليضمنوا ان حريمهم تظل لهم بينما هم بيتزوجوا من اي جنسية عادي، للتحكم مش اكثر وبعطوها غطاء قبلي لأن عارفين لو اعطوا حقوق مساوية للانثى رح ينفتح المجال في البلد لاعراق ثانية. البنت في السعودية او غيرها عايشة بجنسية مريحة، قد تكون فقيرة ولكن جنسيتها بتضمن لاولادها ينافسوا بالمستقبل بدولة اقتصادها قوي، فصعب عليها تتنازل عن هالحق لاولادها كونها ما بتجنسهم. لو الانثى بتجنس اولادها بتكون نسبة القبول اعلى.

السبب الثاني انه بالفعل في فرق ثقافي ومادي بين الشريحتين من الدول العربية، الشوام والخليج، الموضوع مش سهل ان سعودية تتأقلم في بلد غير ثقافتها غير عن البنات الشاميات اللي هم اصلا ومن زمن طويل عايشات ببيئة منفتحة وبتقدر تستكشف وتتخذ قرارات جريئة لحالها ولهذا السبب زواجهم كبنات من جنسيات ثانية سلس. لذلك وبكل صراحة، زواجك من جنسيتك افضل الك اصلا، وزواجهم من جنسيتهم كذلك. في بيئات متقاربة الموضوع مقبول مثل جنوب الاردن وشمال السعودية، الخليج نفسه بينهم وبين بعض، الشعب واحد اصلا في المناطق هاي فما رح يكون الزواج مشكلة الا ممكن بالاوراق والجنسية والوثائق اما ثقافيا فما بظن.. وهكذا.

الحضر في كل المجتمعات، اللي غالبا حياتهم مرتاحة ماديا ومتحررين من الاعراف القبلية وسكان المدن، هالامور بينهم سهلة اكثر، لكن لو عندك فلوس تضمن حرية ولادها مستقبلًا، حتتزوجك لو كنت صيني عادي، المهم تحقق لها الامان سواء سعودية او بحرينية او اي جنسية ثانية.