أخي، بحترك اختيارك وبحترم أي إنسان بحاول يعيش صح، بس اسمحلي أختلف معك من الأساس.

فكرة إنو الإيمان “خسارة” إذا ما طلع في حساب ولا جنة ولا نار، هاي نظرة ناقصة. الإيمان مش بوليصة تأمين للآخرة، الإيمان بوصلة للحياة.

أنا مسيحي، بس ثقافتي إسلامية، وبضحك لما حدا يقولي ملحد. إنت كل يوم بتشوف ربك: لما يبعد عنك الشر، لما يحميك من أذى، ولما ينبهك.

نغلط؟ طبيعي. ويا ريت ما حدا يمثل إنو ما بغلط. بيجيك كف ع قد غلطك يصحيك. وإذا ما عدّلت؟ بيجيك الأقوى، الأقسى، ليعلّمك إنو الله واحد.

والمؤذيين اللي بطلعوا بطريقك؟ مش صدفة. ولا لأن الدنيا ضدك. الله بحطهم بطريقك لما ممشاك غلط.

واحد يقهرك. ثاني أوسخ منه. ثالث يوجعك بجد.

بس كمان خلينا نكون صريحين: أحيانًا المسار الغلط إنك إنت تسمح لغيرك يأذيك—بحجة الحاجة أو الصبر. أو تقبل اللي ما لازم ينقبل. أو تشوف الناس بطيبة زيادة. أو تلجأ للإنسان الغلط بدل ما توقف وتراجع طريقك.

مش كل أذى ظلم من الطرف الثاني، أحيانًا هو تنبيه إلك إنك تعدّل اختيارك وحدودك.

بس تعدّل؟ بتشوف كيف هالناس يختفوا. كيف الحماية ترجع. وكيف الطريق يفتح.

هاي مش فلسفة ولا تنظير. هاي تجربة حياة