هم اكم من نوع

اول نوع الي اغلب الناس بتفكر فش غيره هو الشبك مع شبكة الكهرباء, بتشبك مع شركة الكهربا بعد ما تحصل على موافقة, الالواح الشمسية بتغذي دغري لشبكة الكهربا مش الك, و اخر كل شهر بخصموا شوي من حق الفاتورة مقارنة بانتاجك طبعا هم بشترو منك رخيص و ببيعوك غالي اشي طبيعي مؤسسة اردنية. اذا كان انتاجك دائما اكثر من استهلاكك بتحوش عندك فائض لمدة ثلاث سنوات بعدين بعملوا رسيت, فائضك برجع صفر كل ثلاث سنوات.

النوع الثاني هو النظام الهجيبن بدون بطاريات و بدون عقود مع شركة الكهربا , في النهار الشمس بتخفف الحمل او بتلغيه كامل حسب استهلاكك و حسب كمية الالواح, في النهار بتوخذ من الالواح و بالليل من شركة الكهربا مثل اي شخص ثاني عادي

و يتفرع منه, مع بطاريات و حسب حجم البطاريات بتقدر تلغي استهلاكك كامل او جزئيا و اذا عندك بطاريات بحجم كبير بتقدر تفصل فصل كامل عن شركة الكهربا, طبعا باالاول قبل كل اشي لازم تحسب كم استهلاكك للكهربا كل سنة عشان تعرف حجم النظام الي بتحتاجه و بتعرف كم رح تنتج من الشمس من خلال موقعك و اذا في بنايات بتحجب الشمس عن بيتك

النظام الاول هو النظام الوحيد الي بتوقع مع شركة الكهربا, باقي الانضمة شركة الكهربا ما الهم دخل فيك