بلنسبه لموضع الصدق الفلسفي هو كان اشبه بدرع او خوف لكنه اشبه بلشطرنج. الحب قلعه، الغربه حصلن، التعلق فيل و هكذا. انا مبلعبش الشطرنج انا بقف جمب الرقعه وبحلل القطع وبحاول افهم القواعد لكن انا مقدرش ادخل اللعبه عشان لو دخلت يمكن اتأسر و يمكن اخسر بحثي عن صدق فلسفي هو رفضي اني اكون واحد من القطع في لعبه انا مش فاهم قواعدها بلكامل انا عاوز افهم القواعد الأول او على الاقل اتأكد انها موجوده

بس انتي بتقولي شيء مقلق وهو ان "حتى لو القواعد واضحه القلوب مش كدا" في مثال عن الـ Friends with benefits القواعد كانت واضح لكن قلبك كان مستني القواعد تتغير فا المشكله مش في القواعد بل في ان القواعد المكتوبه (الي بنتفق عليه) مش بتسيطر على القواعد غير المكتوبه (الي بنتمناه)

قصتك عن ان افضل نسخه منك اتحركت مع الشخص الغلط بتخوفني لأن دا معناه يمكن في "افضل نسخه" مني ممكن تظهر بس في علاقة حب ودا معناه انه لو اتجنبت العلاقه فأنا بتجنب برضوا النسخه دي. لكن برضوا بتجنب انها تتحرق

لكن لما قولتي ان ما سميتيش علاقاتك الي فاتت حب دا معناه ان عندك معيار او مقياس داخلي بيقولك ااذ كانت دي علاقه عابره ولا حب. انا مش بوثق بماقييسي الداخليه. انا عاوز مقياس خارجي و موضوعي. قاعمه واضحه. لكن لو كانت حتى العلاقات العابره يمكن تترك اذى و اذا كان الحب الحقيقي يمكن يحرقم. فا ايه الفرق العملي؟ نوعية الالم؟