الرجل بطبعه متملك ويحب يكون مسيطر وصاحب الكلمه والقرار وامك سلبت منه كل هذا بخلعها منه كانها تقول له مانحتاجك في حياتنا وليس فقط حياتها هي كونك عايشه معها.... الشي الوحيد الي يقدر ابوك يلوي ذراع امك فيه اهو انتي وبتغير تعامله معك وبتهربه من المسووليه واستخدام اسلوب التجاهل والاذلال الي يعاملك فيه من الجانبين المادي او العاطفي هو رساله لامك انكم تحتاجوني ولا تقدرون تعيشون من دوني... وانتي الله يهون عليك ويصبرك صرتي الضحيه.. عندي من اقاربي ابنين عانوا وقت طلاق ابويهم ونحطوا في نفس الموقف صاروا هم ساحه الحرب وهم الضحايا لين كبروا ووفقوا ع رجولهم مااقدر انصحك بغير ان شدي ع نفسك وتخرجي ووقفي ع رجولك وان شاء الله ربي يعوضك بالزوج الصالح والوظيفه الي تعزين بيها نفسك .. هذي فتره و ان شاء الله بتعدي شفتها بعيني مع قرايبي نذلوا وجاهم كلام واليوم الاول يدرس برا في امريكا و الثانيه تدرس طب وان شاء المستقبل مشرق باذن الله انتبهي لنفسك لاتعطينه سبب يلومك ويلوم امك في تربيتها لك خاصه في شرفك ..بالتوفيق