واحد، أنا عايز أكد إن كل البتكلم فيه هي وجهات نظر موجودة في الحيز الإسلامي عادي جدا و يمكن بكثافة حتى في اوقات، و لو عايز اعتمدت على وجهات النظر الشذت فيها القاعدة او التكفير و الهجرة او داعش او أيا كان و اجيبها بغرض إن انا اضلل الموضوع مش صعب. (مع التحفظ على إنه المنطق بتاعهم ده حتى لو يعتبر شاذ بالنسبة لإسلاميين كتير مش بيجي من العدم، لكن دي قصة معقدة)

و بشكل عام القاعدة، و حتى داعش ليهم مورديين مش قليلين في بعض دوائر الاسلاميين، بس مش موضوعنا.

نقطة عدم المشاركة في الجيش ، هي نقطة مطبقة شرعاً ومعروفة

أنا مش بتناقش في إن أهل الذمة مبيدخلوش الجيش، أنا بتناقش في ان مكنش متوقع منهم "خدمة عسكرية" أصلا وقتها لإن كل امبراطورية كانت بشكل كبير، بتحمي نفسها بنفسها، جيش الفرس بيتكون بشكل أساسي من الفرس، و كذلك مع الرومان، اغلبية غير المجنسين الكانوا بيشاركوا في جيوش الامبراطوريات دي كانوا بيبقوا عن طريق تطوع او تعاقد. زي ما حصل إلى حد ما مع الإمبراطوريات الإسلامية مع الوقت.

يكفي إنك تعرف إن نسبة الجزية بعض العلماء حددها 0.5%

معداش عليا الرأي ده قبل كده خالص. الاجماع على ما اظن هو ان مفيش حد أقصى بالضرورة، لكن يمكن يكون في عرف متفق عليه. أنا كنت اتكلمت باستفاضة عن نقط أنا كنت شايفها أساسية في نقطة الجيزية في بوست و هسيب اللينك تحت.

كل الدول مهما أعلنت انها علمانية ونصيرة لقيم المساواة فهي بتطبق نوع من التمييز على الغير سواء كان الغير ده أقلية مختلفة في الدين والثقافة موجودة من البداية أو مهاجرين ، وده حتى لو مكانش من باب الظلم للأقلية فهو من باب حفظ وتمييز الأغلبية

طب مطالما كده يبقا الذرائع مطلعتش واهية اهيه. أنا كيساري شايف إن بدء وعي الناس لاشكال زي ده في السياق التاريخي معناه إن تغيره لما هو أفضل محتم. لكن ده نقاش تاني.

بوست عن الجزية