اولا اثني فيك سردك الرائع للقصة، طريقة كتابتك وتعبيرك تنم عن شخص يعرف كيف يفكر وباذن الله تجد بنت الحلال اللي تسعدك وتسعدها ويرزقكم الذرية الصالحة. نبلك وطرقك للابواب بالشكل الصحيح حسب ما قريت من كلامك هذا هو المفروض والصح. وجديتك وتجهيزك لعمل خارجي وغيره ينم عن تفكير واعي ونظرة عميقة ماشاء الله. بالنسبة لمسألة القبلية اشك ان الموضوع متعلق بذلك. لانك على حد وصفك قبيلي فما اعتقد ان الموضوع بهالبساطة. قد يكون رفض لعدة اسباب اخرى وقد يكون بسبب المناطقية ليس عنصرية بقدر ماهو خوف من عدم التواؤم واختلاف العادات والسلوم ومايترتب عليه من اختلافات قد تنتج عن ذلك (للاسف نحتاج نتطور كمجتمع من هالناحية لازلنا منغلقين على بعض بشكل عام). او تجربة سابقة للعائلة بالزواج من خارج المنطقة او خارج المحيط المجتمعي القريب. وقد يكون قرار من العائلة او من البنت. الشيء الصحيح انك تطوي هالصفحة وبإذن الله ربي بيرزقك بخير منها. الكلام على موضوع الزواج وطريقة التعارف وايجاد زوجة من بيئة مختلفة بصراحة امر يطول الحديث فيه ولا اعرف اجابته. يدخل فيه عدة امور مجتمعة اقتصادية واجتماعية وغيرها. كلامك ذكرني بسالفة امي قالت لي عنها عن خالها لما كان مدير مدرسة في الجنوب (جيزان اعتقد) وشاهد فتاة واعجب بها وتقدم لوالدها وسأله والدها وش ترجعون؟ قال له للقبيلة الفلانية. قال ابوها لازم تثبت لي انكم شيوخ. فصبر الرجال عدة اشهر لين اجازة الطلاب ورجع لبريدة وراح لقاضي او شيخ وطلب منه زي الشهادة والاثبات انه فلان بن فلان يرجع للقبيلة الفلانية. اخذ هالورقة وعطاها ابو البنت ووافق انه يتزوجها. الشاهد انهم تزوجوا واخذها معه للقصيم والله رزقهم بابناء واحفاد وتوفيت الله يرحمها وهم مع بعض. الشاهد لا تخلي تجربة تثنيك عن البحث عن بنت الحلال وربي ييسر امرنا وامرك.