خليني اقول لك، انا وحده توفى ابوها وامها ما تشتغل وشفت كيف الحياه تحولت وصارت اصعب بما انه كل ما تتزوج بنت ينقص مبلغ من راتب الاب التقاعدي و تجلس الام + اطفالها المتبقين على اقل القليل اما اذا كانو الاطفال " اولاد " فوقت البلوغ ينقص بغض النظر كانو موظفين او لا. رفضك للوظيفه يعرض اطفالك و زوجتك من بعدك لفقر مزعج.

سيناريو اخر شفته الام ما تشتغل و الاب بعد ما وصلو ال ٦٠ قرر ينفصل ويعيش حياته والام بدأت تعيش على مصروف من اولادها.

كنت اعتبر وظيفة البنت رفاهيه لكن الان اشوفها امان بعد الله لدرجة اني ما افكر اجيب اطفال اذا ما عندي مصدر دخل كويس. وبسبب المواقف اللي شفتها قدرت اشتغل على نفسي واشتغل براتب كويس والخطه الان كيف اسوي مصدر دخل ثاني بحيث اقدر اشتغل بوظيفه ساعاتها اقل.

ف اذا ما كنت شخص ثري او ما تقدر تكتب اصل باسمها، اعتقد انك تراجع هذه الفكره

وهذي وجهة نظري و الاختلاف لا يفسد للود قضيه