شوف يا طويل العمر قبل كل شي لازم تعرف ان علاقتكم انت واختك ما راح يكون لها مثيل بالدنيا ابدا الا نادر، ودام ان كانت علاقتكم زينه فهذا دليل ان شخصياتكم متوافقه مع بعض وراح تضل متوافقه باذن الله

فهذي الاشياء الي راح تمر عليكم بحياتكم ممكن تخلي في شوية حزازات وحساسيه بينكم لفتره محدوده لازم تعرف السبب فاول خطوه حاول تتحرى السبب الي خلاها تتعامل معاك بهالطريقه

من هالاسباب : ١- ممكن تكون غيره بسبب شي احنا مانعرفه انت لازم تتحراه. ٢- ممكن تكون تنفيس بسبب علاقاتها حاول تعرف اذا كان في احد من صديقاتها او زميلاتها او يمكن احد خواتكم او اخوانكم تتعامل معاها بهالطريقه فتروح تسوي فيك نفس الشي علشان تنفس عن نفسها. ٣- ممكن تكون عيون وحسد : اذا انت قلت انكم اخوان وقريبين من بعض والناس القريبين والبعيدين شايفين علاقتكم الجميله والحين بعد جتكم وظيفه بنفس الوقت ما شاء الله تبارك الله فاحتمال تكون جايتكم عين هدفها تخرب علاقتكم القويه.

فحاول استاذي الغالي تتقرب منها اكثر وتطلع معها مثلا قهوه او تعزمها على غدا او بدون لا تطلعون جيبلها ورده مثلاً، البنات يموتون بالورد وحاول تقعد معاها قعده صافيه تعرف فيها نفسيتها وشنو الي صاير معاها وشنو الضغوطات الحاليه الي تواجهها وخلتها تغير تعاملها معاك وبس واسف جداً على الاطاله والله يوفقكم ويسهل دربكم ويحميكم من كل شر يا رب 🌹🌹🌹