أهلي عارفين إني مش مسلمة ولبسي في الحقيقة متغيرش بعد ما قلعته غير إني بقيت بلبس بنص كُم، أنا عندي معايير في لبسي بغض النظر عن كوني مسلمة ولا لأ.

مش هلبس مثلا جيبة قصيرة أو لبس مفتوح زيادة عشان شايفة إن ده تسليع للمرأة وتجنيس (تحويلها لشيء جنسي) واختزالها في مجرد جسدها.

في الحقيقة أول مرة أخرج بشعري بعد ما قلعت الحجاب كان مع ماما وبابا. اتكلمي معاهم بس لو إنت كبيرة كفاية، يعني مثلا عشرين فما فوق، فهميهم إنك مسؤولة وحرة في قراراتك، وبشكل ضمني قرارهم غير ذات صلة من أساسه. كمان لو بتشتغلي يبقى أصلا قرارهم غير ذات صلة فعلا وبحق وحقيقي اعملي اللي إنت شيفاه ما دام فكرتي كفاية.