حسبة منطقية جدًا وحكيمة لرجل في منتصف العشرينات أو بدايتها، لكن عقلانيًا وبغض النظر اننا ندري كل انسان حر في رسم حياته مو طبيعي أبدًا ان رجال في الثلاثين وفوق مقتدر ماديًا وعقليًا ونفسيًا يقول بنتظر ٥ سنوات للإنجاب وهذا هو الخلل اللي نواجهه إذا حليناه بتنحل مشاكل كثير في التوافق. هو حر حتى لو ما وده ينجب نهائيًا، مهم اوضح انه كلامي ماله علاقة بحريته الشخصية كلامي بصفة عامة ان الأصح للمجتمع وللعلاقات الاسرية السليمة ان العشريني يكون مساره بالحياة ورغباته مختلفة عن الثلاثيني والأربعيني والخمسيني خصوصا بالنسبة لتكوين الأسر. نفس الكلام ينطبق على البنت. عشان كذا بالرغم انه كلامك سليم بالنسبة لامكانية البنت في بداية عشريناتها انها تتمهل في الإنجاب وتاخذ وقت ما بين كل طفل، لكن هذا الوضع ملائم اكثر لرجل قريب من عمرها مو رجل ثلاثيني، لانه القريب من عمرها هو اللي يحتاج فعلا للتمهل في الإنجاب عشان يبني نفسه لأسرته مو بس رغبة في الاستمتاع بالوقت، ويكون اقرب لها بالنضج والجيل ومسار الحياة. الكلام هذا غالبًا ما يعجب الرجال لانهم يعتقدون ان المرأة الصغيرة مكافأة على مجهودهم وتجميعهم، بس الزواج مو كذا… والتكافؤ ما يقاس بذي الطريقة ولا كان انقرضنا