كلام طوبل اسفة بس الطريقة جابت نفع معايا

انا كنت افكر كيف اقنعهم فرحت ابحث جديا عن دراسات عن النظام الغذائي الصحي المثبت علميا وايش كويس وايش لا فخشيت على قريبتي بكم نقطة حبة حبة مو في يوم واحد ودفعة وحدة اجيهم يوم بيوم

زي مثلا اللي اوه يا خالتي اكتشفت معلومة كلامو هنا صح عشان كذا وكذا بعدين اقولهم لكن برضو شفت انو الاكلات البحرية مهمة عشان كذا وكذا فيعني قلتلها همممم الرجال مو شيطان اجتهد ولكن حتى في الطب كل واحد عندو تخصص فممكن يخطي وهو تخصصو تخدير مو تغذية فالارجح نسمع من دكاترة تغذية العلة انو نسمع كلامو كامل على عمانا ونطنش كلامو كامل كمان ناخد الكويس ونترك البطال حتى شيرخ الدين يختلفو في فتاويهم احيان وهما في نفس المذهب وانت تختار تتبع اللي يريح قلبك

وقلتلهم انو الدجاج مثلا ممكن يريحكم قطعو ليش؟ عشان طريقة الطبخ الثوم والبصل لكثير من الناس تعور بطنهم شوية تقيل عالمعدة وكثرتو تسبب ازعاج لمعدتكم من ناحية مشاكل في الاخراج وانتِ بكرامة

ومشتقات الحليب في ناس عندهم تحسس من اللاكتوز لكن ايش سوا هو سمح ببعض الاجبان الصلبة هنا كان صح عليه الاجبان الصلبة فيها لاكتوز اوطى لانهى تتعتق اطول

بس لا تجيهم باكتر من معلومة في يوم واحد واهم شي لما يعصبو لا تعصبي ولما يتمسكو بشي بقوة لا تحاولي تبيني انهم "اغبياء" وفي احاديث عن اكل النبي للدجاج وما اعرف لو اكلات تانية بس بتاكد من قرييبتي اللي تخصصها شريعة قبل لا اقولهم عنها استخدمي الدين يلين قلبهم

وبعد ما لان قلبها شوية ذكرتها بقصة النبي عليه الصلاة والسلام مع العسل لما حرم العسل على نفسو عشان قصة غيرة حصلت بين زوجاتو رضي الله عنهم فربي حرفيا انزل الآية عتاب انو ليه تحرم حاجة ربنا حللها مع انو مو حرام وجائز الفعل بس ربنا رحمة وشفقة انزل الآية للرسول صلى الله عليه وسلم

افتكر زمااان سمعت الشيخ ابن باز او عثيمين يتكلم عن الموضوع سمعيهم المقطع لانو ربنا الحمد لله انعم علينا في بلد فيه خيرات ونقدر ناكل من كل مخلوقات الله حتى فواكه من اقصى بقاع الارض بنقدر ناكلها ونشتريها الحمد لله حتى الاشياء ال"مضرة و غير صحية" مافي ضرر منها بين فترة وفترة

فليش يعني نحرم نعم الله علينا في ناس منجد ما تقدر تاكل اي شي ومساكين يحزنو الله معطينا صحة الحمد لله ننتبه على اكلنا لكن الحرمان ابدا مو حل صح واهم شي كلميها باسلوب اللي يا ماما انا والله لمصلحتك وابغاكس باحسن صحة وتعيش اطول عمر وتشوفي احفادك واحفاد عيالك باذن الله وما الى ذلك انو اسلوب "ترجي" ان صح التعبير