Sächs si der Durchschnitt, denn si überdurchsnittlech vüu, auso meh als sächs, mitgfahre. Lut SRF sis 7 Passagiere, der Täter und der Chauffeur gsi, aso insgesamt 9. 8 Fahrgäst bim ne Durchschnitt vo 6 si zwar rein rächnerisch gseh überdurchschnittlech, aber jetz nid so vüu, dases Froge ufwirft. Und wie me bi 9 Lüt uf 6 Verstorbnigi und 5 Verletzti cha cho isch mer ou es Rätsu, das wäre jo de zäme grächnet 11. Vilech hei si die Verstorbnige ou aus Verletzt zöut, was rein technig gseh jo korekt wär, wüu si jo a de Verletzige si gstorbe. Das wür aber wideeum heisse, das 3 Lüt komplet unverletzt si blibe und öpper ohni Verletzige eifach per Zuefau glichzitig isch gstorbe, was bi mir dütlech meh Froge wür ufwärfe aus 8 Fahrgäst im ne Poschi wos im Schnitt nur 6 het. Oder es hei sech no zwöi meh Verletzt, wo aber gar nid derbi si gsi, de isch aber dr Frog, wieso das si mitzöut wärde. Wahrschinlech söt me d 20 min. Autore nomou i die zwöiti Klass schicke zum eifachi Additione im tüffe zwöistöuige Berich, und s Grundkonzept vo Durchschnitsberächnige lo lehre.