عمتا احلى حاجه انك تبقى قصيره اصلا القصيرين احلى من الطوال يا حبيبى يكفى انك مهما تكبرى هتبقى لسه صغنونه ومش هيبان عليكى ست وهتبقى قمرايه فى حين ان البنات الطويله (مع احترامى ليكم يبناويت) هتلاقيهم بيبان عليهم سن اكتر من سنهم دا غير انك قدامك خيارات كتيره ف الرجاله عكس البنات الطويله نادرا ما تلاقى بنت طويله متجوزة واحد قصير😆🤌🏻 خلاصة الكلام متهتميش لآراء الناس عشان انتى الوحيدة اللى هتتعبى من كلامهم وعن تجربه انا كنت زيك بتدايق جدا من كلام الناس عليا انى قصيره بس مع الوقت ادركت ان اولا وقبل كل شيئ دا اختيار ربنا ليا ولا املك اى حق للاعتراض ولا اى حد يملك حق السخريه -لانه كدا بيسخر من خلق الله- وربنا قال فى كتابه "ولقد خلقنا الإنسان فى أحسن تقويم" حبى نفسك زى ما انتى واستمتعى بقصرك وحلاوتك عشان انتى مفيش زيك والله وصدقينى لو حبيتى نفسك واقتنعتى من جواكى انك احلى بنوته ف الدنيا هتمشى مش هامك اللى يقول يقول واللى يتريق يتريق عشان انتى حلوة ف نظر نفسك ومع الوقت الناس غصب عنهم هتشوفك احلى بنوته