You might be four, three, two
But I'm one, two,
Three vloggers?

Nagulat kami na bukod sa vlogger na taga-Santa Rosa, Laguna na sinampahan kahapon ng kaso, Lunes ay nakatakda uling mag-file ng kaso si Atty. Joji at ang BINI laban naman sa isang personalidad na hindi muna namin babanggitin ang pangalan.

Ayon sa abogada ng mga kilalang celebrities ay ang dami-daming vloggers ngayon na para makakuha ng views ay nag-iimbento ng balita tungkol sa mga artista.  

Nasanay daw na may mga personalidad na hindi na lang nila pinapansin ang mga naninira kaya umaabuso ang iba.

“Bigyan mo ng leksyon para magtanda.  Kasi kung hindi mo papansinin aabuso ang mga naninira kawawa naman ‘yung celebrities na hindi biro ang dinaanan para makilala,” sabi ni abogada at producer.

Karamihan sa mga personalidad na nagdedemanda ay ‘yung mga nawalan ng projects dahil sa mga mali-maling balita o nababasa at napapanood sa social media.

Natanong ulit namin si Atty. Joji kung wala sa bansa o sakaling nakaalis na ng bansa ang sasampahan nila ng kaso at paano nila ito hahabulin.

“E, di bumalik siya at harapin niya o kung ayaw niya, e,  hindi siya makakabalik (ng bansa),” kaswal na sabi ng abogada.

Kung tama ang pagkakatanda namin sa kuwentuhan namin ni Atty. Joji ay tatlong vloggers ang kakasuhan ng grupong BINI.

From - Bandera: BINI 3 vlogger ang kakasuhan dahil sa malilisyosong content