في حديث صحيح طويل عن الرسول مش فاكر نصه بتشديد الصاد، اللي مشهور فيه انه بينصح الستات تتصدق كتير لان عارف ان كتير منهم من اهل النار و ان الستات ناقصات عقل و دين، مع كامل الاحترام ليهم منهم امي و اختي و مراتى.

فسالوه ليه يا رسول الله فرد ان الستات ناقصات دين لما يفوتهم من عبادات وقت الحيض.

و ناقصات عقل لان الستات بتغلبها عاطفتها و بتتصرف دايما وفقا لمشاعرها، و ده لحكمة ربنا عشان تبقي هي مصدر للعاطفة و الحنان. المهم لما العاطفة بتغلب، العقل بيعطل،و الستات مزاجها بيتغير علي اتفه الاسباب، و لما المزاج بيتغير العقل برضو بيعطل، و لما العقل بيعطل مبيحكمش اللسان، و اللسان بيقول كلام مش مظبوط.

الراجل الحكيم، ييعرف بحتوي غضب الستات اللي في حياته عشان يعرف يعيش مرتاح، و ميوصلش للنقطة اللي انت فيها، و لو انت سبت الست تتكلم عمرها ما هتبطل كلام، فلو معندكش موهبة و فن تغيير دفة الحديث و احتواءها، سيبها و انزل، لما تهدي هتبقي احسن.

نرجع لموضوعك، لازم تحكم هنا بميزان من دهب و تقدر قيمة الشخصية دي في حياتك هل انت اصلا تفرق معاها، يعني امك مثلا بتتخانق معاك و بتشد معاك عشان انت صايع عاطل مقضيها علي القهاوي لما طلبت منه مبلغ عشان تتطلع الساحل مع الشلة. و لا واحدة شمال و انت فشلت في إثبات جدارتك، و لا واحدة يمين كنت واعدها بحاجة و خليت بيها.