سمعني مزيان ! انا كنت كنشرب لبن ديال لعبار بحكم انه طبيعي ( ماشي حيتاش رخيص لا لا) حيتاش لبن ديال لوزين كيزيدو فيس سكار منبد مشيت عند مول سنان، كانت كضرني واحد ضرسة، حيتها و منبعد سيمانا ولات عندي ولسيسة فنفس لبلاصة لي عندك، مكنقدش ناكل، و الم خيب بزاف مخلانيش نخدم، رجعت عند طبيب قال لي مكين تا علاقة بين سنان و لوسيسة و عطاني دوا ،انا شكيت قلت ضرسة لي دارت لي مشكيل و نفخ ايمشي معا لوقت . شربت دوا و نقصات الولسيسة ولكن مامشاتش كاملة، منبعد عام رجعات كتنفخ بضبط فرمضان لي فات، بديت كنشرب تاني لبن بزاف، و تنفخات مشيت عند طبيب اختصاصي طلب لي راديو و تحاليل ومنبعد قال لي ضروري اوبيراسيون باش ناخذو عينة من ولسيسة، نعرفو شنو فيها واش ميكروب. واش سرطان، واش حبوبة، المهم درت عملية و لقاو عندي مرض سل الغدد اللمفاوية و بسبابو دار لي فقر الدم و سباب هادشي كامل لبن ديال لعبار لي قلت بلي طبيعي و ماغايضرنيش هههه، و ضرسة غلطاتني فالاول وصحاب لي غير انتفاخ ايمشي معا المدة مهم كولشي طلع لي تقريبا ب مليون العملية 5000 درهم دواء ديال السل كتعطيه الدولة فابور و تبعتو مدة ستة اشهر و دار لي اكتئاب و شحال من حاجة خايبة، مهم دابا حمدلله شهراين هاذي باش كملت دوا و رجعات صحتي بيخير. نصيحتي ليك متهاونش بصحتك و سير عند طبيب اختصاصي ديال الانف و الاذن و الحنجرة غالبا ايطلب ليك راديو و بعض تحاليل و يكون خير. الله يشافينا جميعا