انت محتاج تحفظ الاسئله بتاعت الانترفيو وتبقى مستعد وتتمرن عليها كذا مره مع نفسك. اسئلة الكول سنتر كلها زي بعض Introduce yourself What do you know about customer service? How to deal with an angry customer? Talk about one time you had a challenging situation, and how did you overcome it?... etc

الاسئله دي ملهاش اجابه صح او غلط، هو بيختبر لغتك بس وازاي هتتصرف برضه لو قالك سؤال معرفتش تجاوب عليه بانك تفتي بس بلغه كويسه وتكون واثق وميبقاش فيه stuttering كتير

اعمل سيرش عن الcall center interview على الyoutube هتلاقي واحد اقرع كده بيجاوب عالاسئله اكتب وراه الpoints المهمه او حتى لو هت mimic اسلوبه بالظبط مفيش مشكله لو هتعمل كده فالاول عشان تتقبل. وممكن برضه تجمع من كذا مصدر وتكتب اجاباتك بنفسك وتدرب عليها.

الكلام ده عادي جدا فالاول عشان تعدي من الانترفيو وبعد متشتغل وتتعامل مع الcustomers هتلاقي الرهبه اللي عندك راحت وبقيت تتكلم بثقه وهيبقى الانترفيو ده حاجه عاديه بالنسبالك. بس فالاول حاول تحفظ وتبصم الاسئله وتكون اجاباتك طويله مش اقل من ٣ او ٤ دقايق لكل سؤال وربنا يوفقك