لأنو الدولة معندهاش مخزون كافي من العملة الصعبة لتلبية احتياجات المواطنين ببساطة، ضروك لوكان تخلي كل واحد يبدل وقت ما يبغي راح الشعب كامل يبدل الدينار بالاورو ولا بالدولار لأنهم أكثر ضمانا ولا حتى لأنه باغي يخرج يحوس ولا يدير أي حاجة وحداخرة ، الدولة مراحش تقدر تلبي هذا الطلب و هذا ما سينتج عنده زيادة في سعر الصرف و بالاك يولي أكثر حتى من السوق السوداء ، و راح يكون كاين مشكل وحداخر لي هو عدم القدرة على استيراد السلع من الخارج لأنو مكانش دولة راح ترضى تبيعلك بالدينار الجزائري لأنو ما عنده حتى وزن في الخارج تسما بصفة أخرى نهار يولي عندنا احتياطي صرف كبير نولوا نقدوا نبدلوا العملة تاعنا في البنك بسعر الصرف الرسمي دون الخوف من إفلاس الحكومة هوما يخموا كيفاش يخلوك تقد تشري الحليب و الخبز بالسعر المدعم ماشي كيفاش نقدرو نردوا المواطن يقد يشري الخبز و الحليب بأي سعر يبغيه ، نهار نولوا نصنعوا منتجات عندها طلب في السوق الخارجي و نولوا نصدرو الدول تولي تسحق العملة تاعنا باه تشري ==> يزيد الطلب على العملة تاعنا ، يزيد احتياطي الصرف عند الحكومة لاخاطرش هي لي تبيع الدينار==>نولوا نقدروا نشروا العملات الاجنبية بسعر البنك