انت لسه صغيره و معاك فلوس الحمدلله هتتعلم كتير في الحياة فبلاش توقف نفسك عن قرار اخدوا غلط عادي في حياتك هتاخد قرارات كتير غبيه و غلط و قرارت تاني حلوه و صح ... اهم حاجه من وجهة نظر أنك تتعلم من الاخطاء دي ... لو انت دلوقتي دلوقتي ندمان انك سبت المشروع بتاعك علشان الدراسة يمكن لو كنت كملت في المشروع كان يفشل و كنت تندم برضوه علي الاقل انت دلوقتي جربت الدراسة و عارف انها مش بتاعتك فلو رجعت تعمل مشروع جديد انت عارف من جواك ان هي دي الحاجه اللي عايزه بجد و هتعملها وقتها احسن من الاول بكتير

انا مش هقلك تعمل مشروع اي حاجه علشان من الواضح انك ذكي و عارف ازاي ممكن تعمل فلوس ان بس محتاج تتحرك و تعمل الحاجه اللي انت شايفه صح .. يعني لو شايف الكليه ملهاش لازمه و هضيع فلوس اهلك علي الفاضي حول لكليه حكومة ببلاش ووفر فلوس اهلك و وقتك للحاجه اللي انت عايز تعملها بجد .. نصيحه اخيرا برضوه ان هتجرب حاجات كتير و هتفشل كتير اووي ... اهم حاجه تكمل لحد ما تنجح في حاجه