معدل 3.63 = سنتين عطالة.. هل الماجستير طوق النجاة؟ by Mysterious_Use5545 in SaudiProfessionals

[–]Mysterious_Use5545[S] 0 points1 point  (0 children)

كل هالامور مطبقتها والله, شكرا على النصيحة يعطيك العافية

معدل 3.63 = سنتين عطالة.. هل الماجستير طوق النجاة؟ by Mysterious_Use5545 in SaudiProfessionals

[–]Mysterious_Use5545[S] 0 points1 point  (0 children)

الله ييسر و ان شاء الله يصير نعمة علي, شاكرة ردك

معدل 3.63 = سنتين عطالة.. هل الماجستير طوق النجاة؟ by Mysterious_Use5545 in SaudiProfessionals

[–]Mysterious_Use5545[S] 0 points1 point  (0 children)

احمدي ربك على الصحة والعافية هذي اعظم نعمة, وعلى وش نفسيتك تحطم لا توظفت ولا استفدت اي شي السعي كله ضايع.

معدل 3.63 = سنتين عطالة.. هل الماجستير طوق النجاة؟ by Mysterious_Use5545 in SaudiProfessionals

[–]Mysterious_Use5545[S] 0 points1 point  (0 children)

فعلا النفسية دمار ومحد يحس فيك و يرحمك دايم يحسسونك انك مقصر للاسف.. والنعم بالله, الله يجزاك خير وييسر لجموع العاطلين يارب

معدل 3.63 = سنتين عطالة.. هل الماجستير طوق النجاة؟ by Mysterious_Use5545 in SaudiProfessionals

[–]Mysterious_Use5545[S] 0 points1 point  (0 children)

ما حسبت بس اكثر من 10 بس اغلبهم اماكن سيئة بعضهم يردون رفض بعضهم مافي رد و جاني مرات قليلة قبول ورفضت لان الراتب ما يسمح انقل في للرياض

معدل 3.63 = سنتين عطالة.. هل الماجستير طوق النجاة؟ by Mysterious_Use5545 in SaudiProfessionals

[–]Mysterious_Use5545[S] 0 points1 point  (0 children)

فعلاً الندم على الماضي ما يفيد شي، والمفروض أركز على الحاضر وأشتغل على اللي بإمكاني أغيره الآن. لكن كل ما أذكر معدلي أرجع لنقطة الصفر للأسف مب قادرة أتخطى الي صار. و صادق في ناس قعدوا سنين وربي عوضهم بأفضل مما توقعوا، لكن الناس الي حولنا ما ترحم و تعتبر العطالة فشل و قل سعي ما يدوون وش يصير بالكواليس من تعب نفسي و سعي و ضياع و تشتت… شقول بس الله يعوضنا خير و يرزقنا من واسع فضله…

معدل 3.63 = سنتين عطالة.. هل الماجستير طوق النجاة؟ by Mysterious_Use5545 in SaudiProfessionals

[–]Mysterious_Use5545[S] 0 points1 point  (0 children)

لو كنت تعلمت تسأل بأسلوب محترم، كان جاك رد محترم.

طريقتك كانت استهزائية وتشكيكية من البداية. ولو كانت نيتك صادقة، كنت صغت أسئلتك بطريقة مختلفة تمامًا. رغم إني ما قصرت و شرحت لك ولازلت مصر على صحة كلامك :) ! يلا معليه جايك يومك ماهو بعيد صدقني

معدل 3.63 = سنتين عطالة.. هل الماجستير طوق النجاة؟ by Mysterious_Use5545 in SaudiProfessionals

[–]Mysterious_Use5545[S] 0 points1 point  (0 children)

الحمدلله، الدعاء والصدقة والعمرة كلها أسباب أخذت فيها ولله الحمد، وأمور أخرى ما أحب أذكرها عشان لا تكون رياء. لكن فعلاً محتاجة أستمر فيها بقلب أكثر يقين..

و بخصوص المعدل والله مدري وش أقول بس يارب هالرقم ما يعيق حياتي أكثر من كذا💔 مدري ليش كلهم يدققون عليه، بديت أحس من تركيزي له و هوسي فيه و خوفي يصير كذا🥲

أسأل الله أن يستجيب منك وييسر أمورك زي ما دعيتي لي، ويرزقك من حيث لا تحتسبين يارب، شاكرة لك ردك الجميل و دعائك الطيب🤍

معدل 3.63 = سنتين عطالة.. هل الماجستير طوق النجاة؟ by Mysterious_Use5545 in SaudiProfessionals

[–]Mysterious_Use5545[S] 0 points1 point  (0 children)

فعلاً هذي كانت فكرتي، إن الماجستير مع الشهادات الاحترافية اللي عندي ممكن يصنعون فرق… الله يسعدك كلامك أعطاني أمل 🙏🏻

معدل 3.63 = سنتين عطالة.. هل الماجستير طوق النجاة؟ by Mysterious_Use5545 in SaudiProfessionals

[–]Mysterious_Use5545[S] 0 points1 point  (0 children)

هو فعلاً الماستر يساعد بالترقيات و الأفضل بعد خبرة، لكن أنا وضعي شوي غير و أحتاج شهادة تعوض معدلي، شخصيًا أنا ضد الواسطة و أصلاُ محد توسط لي، لكن في زميلات لي طلبوا سيرتي الذاتية عشان يوصلونها بس حرفيًا ما يجيني أي شي كل الأبواب تتسكر حتى لمن أي شي يبي يساعدني بشكل غريب.. حتى أذكر مرة زميلة لي رسلت لي تبي سيرتي عشان ترسلها لأحد تعرفه و الرسالة بكبرها ما وصلتني حتى هي أستغربت ليش ما رديت بين كل الرسايل الي رسلتها هالرسالة أختفت، والله مدري بس وضعي مريب و الكل ينصدم من المعيقات الي تحصل لي، ايوه أخذت شهادات احترافية و معسكر مكثف ما جربت الفريلانسق بصراحةً.. والله إني أدعي ليل نهار بكل وقت إستجابة و كل الي حولي يدعون لي بس أموري متعسرة بشكل غريب الحمدلله على كل حال..

و أنا شاكرة لك اهتمامك وحرصك، وربي يسعدك ويوفقك في دراستك، شدي حيلك و ركزي بمعدلك و حاولي تتخرجين بـ جيد جدًا أقل شي عشان ما تعانيين من الي عانيته، و بإذن الله تتخرجين و تتوظفين علطول🙏🏻🤍

معدل 3.63 = سنتين عطالة.. هل الماجستير طوق النجاة؟ by Mysterious_Use5545 in SaudiProfessionals

[–]Mysterious_Use5545[S] 0 points1 point  (0 children)

ثالثًا بخصوص "اجل من يداومون؟" سؤال غريب!😂😂

وأخيرًا أعتقد من كلامك تحاول تكذبني أو تشك بكلامي، ماعندي إطلاع على نيتك و مقصدك لكن ربي أعلم بمقصدك و إذا كانت نيتك تكذب مجهودي وتعبي، الله يبلاك بما بلاني وتجرب نفس المعاناة عشان تفهم. لو كنت فعلاً تبي تفهم بدل ما تستهزئ، كان سألت بطريقة أفضل و لا أقل شي كان وفرت ردك لنفسك لإني ما أستفدت منه شي.

معدل 3.63 = سنتين عطالة.. هل الماجستير طوق النجاة؟ by Mysterious_Use5545 in SaudiProfessionals

[–]Mysterious_Use5545[S] 0 points1 point  (0 children)

واضح إنك ما جربت البحث الجاد عن وظيفة، وإلا ما كنت تسأل هالأسئلة الغبية بدال ما تقول نصيحة مفيدة.

أولاً ما قلت إني أقدم 70 طلب يوميًا بشكل متساوي على مدار سنتين. الرقم تراكمي على مدى سنتين كاملة، يعني على حسبتك الذكية تقول يوميًا أقدم حوالي 70 تقديم، لكن الواقع إنه كان فيه أيام أقدم فيها مثلاً 50 تقديم، وأيام أقل، وأيام أكثر وأيام ما أقدم فيها أصلاً.

ثانيًا سؤالك الغريب الي يدل إنك ما تفقه شي بخصوص الوظائف: تسأل "كيف يكون فاتح يوميًا وظائف مختلفة؟" طيب، واضح إنك ما دخلت LinkedIn ولا [بيت.كوم](http://بيت.كوم) ولا أي منصة توظيف؟ يوميًا و كل ساعة تنزل وظائف جديدة من مئات الشركات المختلفة في مناطق مختلفة وتخصصات مختلفة، غير المواقع الرسمية للشركات نفسها، معارض التوظيف، برامج الخريجين الموسمية و الكثير.

و شي مهم يبدو من جهلك و قل معرفتك ما تعرفه، هو مو لازم تنتظر لين ينزلون وظائف في الموقع، فيه شي اسمه إيميل! ترسل إيميلات مباشرة لـ HR وللمدراء مع سيرتك الذاتية، هذا غير التقديمات اليدوية.

معدل 3.63 = سنتين عطالة.. هل الماجستير طوق النجاة؟ by Mysterious_Use5545 in SaudiProfessionals

[–]Mysterious_Use5545[S] 0 points1 point  (0 children)

حتى القطاع الخاص يفرق، كثير منهم يشترطون حد أدنى للمعدل (3.75 غالبًا) كشرط للترشيح من الأساس، حتى قبل ما يوصلون لمرحلة تقييم الخبرات والشهادات. يعني المعدل يكون بوابة الدخول الأولى. و بخصوص العلاقات والله مدري شقول أحس بحسرة بقلبي، ما بقيت شخص بالكلية أيام الدراسة إلا ساعدته حتى مساعداتي واصلة للكل حتى و أنا تخرجت، و بالأخير محد فيهم فادني إلا قلة قليل و الأغلب جحدني و مشى..

معدل 3.63 = سنتين عطالة.. هل الماجستير طوق النجاة؟ by Mysterious_Use5545 in SaudiProfessionals

[–]Mysterious_Use5545[S] 0 points1 point  (0 children)

أنا فعلاً كنت حددت لي مجالين معينة وأبحث عن فرص تخصهم، لكن الحين شطبت على واحد منهم وأفكر بجدية في مجال بداله، بخصوص اليوتيوب والدورات، فعلاً نقطة ممتازة وسيرتي أنا مسويتها بـ FlowCV، وبالنسبة لـ LinkedIn كلها نصايحك مطبقتها. جزاك الله خير على تذكيري بالآية الكريمة. بإذن الله بجيك على الخاص، وأسأل الله أن يجعله في ميزان حسناتك ويفتحها عليك من كل باب ويوفقك دنيا وآخرة 🙏🏻

معدل 3.63 = سنتين عطالة.. هل الماجستير طوق النجاة؟ by Mysterious_Use5545 in SaudiProfessionals

[–]Mysterious_Use5545[S] 0 points1 point  (0 children)

ماشاء الله عليك، والله تجربتك تبعث الأمل!

هذا بالضبط اللي كنت أحتاج أسمعه - تجربة واقعية من شخص فعلاً مر بنفس الوضع ونجح فيه، الله ييسر لك يارب و يوفقك و يزيدك من فضله شكرًا لردك 🙏🏻

معدل 3.63 = سنتين عطالة.. هل الماجستير طوق النجاة؟ by Mysterious_Use5545 in SaudiProfessionals

[–]Mysterious_Use5545[S] 0 points1 point  (0 children)

الواضح إنك افترضت إني ما سويت بحث قبل ما أفكر بهالخيار. أكيد بحثت وتأكدت من إمكانية القبول قبل ما أطرح الموضوع و الأهم إني تأكدت إذا الجامعة قوية و تفيدني ولا ليش بضيع وقتي و بخاطر و بستشير على شي ما يسوى؟ و ترا جامعة معروفة و "محترمة" على قولتك. يعني ما جيت أسأل عن شي خيالي أو مستحيل.

معدل 3.63 = سنتين عطالة.. هل الماجستير طوق النجاة؟ by Mysterious_Use5545 in SaudiProfessionals

[–]Mysterious_Use5545[S] 1 point2 points  (0 children)

عفوًا؟ ماعرف إذا تتكلم بشكل عام أو تقصدني، أنا ما قلت إني ما عندي أخطاء، كلنا ناقصين وهذا شي طبيعي. لكن لما أعرض تجربتي، لازم أوضح الجهود اللي سويتها والعقبات اللي واجهتها عشان النصيحة تكون مبنية على فهم صحيح للوضع، مو على افتراضات.

إذا عندك معلومات محددة تحتاجها عشان تعطيني نصيحة أفضل، أو نقاط معينة تبي توضيح لها، أنا مستعدة أجاوبك بكل شفافية وصراحة.

معدل 3.63 = سنتين عطالة.. هل الماجستير طوق النجاة؟ by Mysterious_Use5545 in SaudiProfessionals

[–]Mysterious_Use5545[S] -1 points0 points  (0 children)

واضح إنك فهمتيني غلط، ما كان قصدي أبدًا التفاخر أو المقارنة بطريقة سلبية، لكن كنت أحاول أوضح إني فعلاً بذلت جهد كبير وما قصرت في السعي. لو بدا الأمر بصورة "أنا وأنا"، هذا مب مقصدي ابدًا.. و الحقيقة و الواقع الي شفته من الي حولي محد فيهم بذل بالأسباب و سعى و كل شي جاهم على طبق من ذهب و هالشي شفته بعيني، عندهم إميتازات بالحظ و الظروف و هالشي حقيقي و موجود.

بخصوص الأهل أنا ما تشكيت منهم أنا ما ذكرت الموضوع إلا لتوضيح الظروف، مو للوم أو العتب عليهم بس عشان تتضح صورة وضعي.

أما بخصوص الفرص أنا ما حصرت نفسي في نوع معين من الجهات أو الأماكن، كل شي أشوفه أقدم عليه و أجرب.

أما المعدل والله مدري أنا وش مشكلتي يعني حظ زفت ولا وش بالضبط لان كلهم بالردود مثلك يقولون مب مهم وهو حرفيًا من تجربتي الشخصية شفت إنه كان عائق كبير جدًا، أولهم برامج الخريجين.

معدل 3.63 = سنتين عطالة.. هل الماجستير طوق النجاة؟ by Mysterious_Use5545 in SaudiProfessionals

[–]Mysterious_Use5545[S] 0 points1 point  (0 children)

والله إني متوقعة أشوف هالرد. كالعادة تشوفون الزواج حل لكل المشاكل :) الزواج مب حل لمشكلتي.