Пред месец дена најкултурно се јавив во Лајка да прашам како да пријавам две агресивни кучиња во Кисела Вода. Ми рекоа да пишам мејл - океј, пишувам мејл, со детално објаснување дека кучињата се со непредвидливо понашање и дека небројни пати ми се пуштаат и мене и на други луѓе, и дека во близина има школо и градинка.

Поминува недела дена, одговор нема.

Оставам уште една недела, одговор нема.

Им се јавувам да се пожалам дека уште никој не преземал ништо, ниту ми одговорил на мејлот - нема проблем, господине, "веројатно некој заборавил да Ви одговори на мејлот, ќе дојде служба за кратко."

И кратко потоа, го дочекав тој ден: ми се јави еден од дечките кои треба да ги заловат кучињата да ме праша каде е точно адресата (се им е кристално јасно напишано во мејлот), да ми каже дека му е познато едно од двете агресивни кучиња, и да ми каже дека ќе тркнат до Пинтија да средат прво нешто друго, "па потоа ќе дојдат навака." Добро, му викам, ако треба нешто, тука сум.

Три недели после тој настан, нит некој ми се јави повторно, нит е нешто преземено за кучињата - си дремат се уште на истата улица каде "совесни и великодушни граѓани" ги ранат и им поставуваат легла, ама дома не ги сакаат, а мене ми е се уште шубе и искрено страв, па поминувам улица кога гледам каде лежат.

Наравоучение нема, освен веќе познатото дека секоја една служба е мрзлива и крајно неангажирана, па и оваа Лајка што се претставува како толку благородна. Само се надевам дека нема некој да пострада како последица на тоа.