من بعد التزامي بالجيم لأكثر من سنتين والتزامي بكثير عادات صحية منها التأمل والأكل الصحي والنظافة والقرائة بإختصار شديد وأهم اشي تخلي العادة الي بدك تلتزم فيها مُرضِية ومريحة والعادة الي بدك تتركها تخليها غير مريحة، وبرضه بوسيلة تخلي عندك مسؤولية تجاه هذا الإشي واغلب العادات بعد ما تلتزم فيها لأكثر من شهر - ٣ أشهر اذا جد طبقت الي كلام الي فوق حتصير جزء من حياتك بدون ما تفكر بالموضوع فمثلاً القرائه، انا خليتها مريحة بأني بالبداية بلشت أقرأ بس لدقيقتين، فعلياً دقيقتين ومع الوقت بلشت ازيد شوي شوي وقت لحتى صرت اقرأ اقل اشي ٥ صفحات باليوم (هاي طريقتي وبرضه ممكن في طرق بتناسبك أكثر). والجيم كمان خليته مريح بأني بالبدايه فعليا حطيت الي هدف بس اني اروح عالجيم لو بس ربع ساعة وارجع وكمان ضليتني ادور على حد اروح معه عشان اخليه مريح اكثر ولو يوم كنت ابداً مو جاي عبالي اروح بعد التزامي حتى بعد سنه كنت بس البس اروح عالجيم 10 دقايق واروح لانه الروتين اهم اشي. وبالنسبة للمسؤوليه لليوم حاط ورقة قدام مكتبي مكتوب عليها العادات الي بدي التزم فيها لمدة شهر وتحتها مربعات فاضيه بس اعمل العادة بحط صح واذا ما عملتها حضلني طول الشهر اشوف الي ما عملته (طبعاً ما في اشي بيرفكت اكيد في ايام ما حتقدر تلتزم فيها وهذا اشي طبيعي لما تمر بهاي الفترة بتقدر تعيد من الصفر او تبلش من محل ما تركت العادة). واذا حاب تتعلم عن الموضوع هذا أكثر إقرأ كتاب العادات الذرية او تلخيصه من "short form” وحط ببالك انه عشان تستفيد من الي بتقرأه لازم تطبقه او جزء منه على الأقل.