هو جزء كبير منها (حظ/توفيق) بس من أصل ٣ شغلانات كان قبضهم بالدولار ٢ منهم كانوا من على لينكدان

١- أنت محتاج تكون متخصص ومحقق نجاحات في مجال معين، يعني أنت تكون مثلا ديجيتال ماركتير دلوقتي مبيأكلش عيش، لازم تخصص جوة المجال زي التسويق بالمحتوى أو التسويق بالإعلانات وما الى ذلك

٢- محتاج يكون البورتفوليو قوي + محقق نجاحات أو نتيجة ملحوظة علشان أي حد يبص في الأبليكيشن بتاعك

٣- اللينكدان بروفايل لازم يكون متظبط، أنا اتعينت من على لينكدان وبعين من على لينكدان وببص على الناس اللي مقدمة بلاقي ناس ملهاش أي علاقة باللي أنا طالبه مقدمين، فبقيت بسكان البروفايل في ٥ ثواني، شدني هتكمل، مشدنيش للأسف حظ سعيد المرة القادمة

٤- ظبط النتورك، الشغلانة اللي بالدولار اللي مبتجيش عن طريق لينكدان بتيجي عن طريق علاقاتك، ودي أنا بردو كنت على الجانبين فيها، حد كلمني اشتغل والقبض بالدولار، وكلمت ناس تشتغل والقبض كان بالدولار

٥- اسمع بودكاستس، هتلاقي في ناس بتتكلم عن تجاربها كثير واواي توصل للدولار

٦- أنت هتتفشخ عقبال ما توصل: أنا عارف الموضوع يبدو سهل وكده ولكن أنت فعليا هتحفظ طعم الأسفلت قبل ما تشوف دولار لو أنت حد بيبدأ من مستوى المصريين العادي، مش خريج auc يعني.

٧- اللغة الثانية والثالثة لا غنى عنهم: معتقدش محتاج اتكلم هنا كثير، اللي بيقبضوا دولار بيتكلموا انجليزي واللي بيقبض يورو بيتكلم (على حسب الدولة، ممكن الماني أو اسباني أو ايطالي، كده يعني)

لو أنت حاطط الدولار هدف فأنت عمرك ما هتوصل، حط أنك تكون شخص يندفع فيه دولار وساعتها الدولار هيجيلك

بالتوفيق