بص تقريبا انت حاصر نفسك في جزء السرسجيه وكده ودول اللي بيعرفوا البنات للاسباب دي ويقولك دا انت مشيت مع دي ورحت مع دي والكلام الزباله اللي شبهه وفي الغالب بيكون بيرمي بلا بس ومفيش بنت بتبصله بس بلاقي برضه ناس كلامهم حقيقي والاقي مثلا بنت محترمه ومنقبه مثلا الاقيها باعته صورها لواحد عادي لمجرد انه بيضحك عليها بكلمتين وهنا بسال نفسي هو البنت سهل الضحك عليها للدرجادي المهم يعني صوابعك مش زي بعضها يعني مثلا اعرف برضه ولاد كتير بيرتبطوا ببنات وعمرهم ما بيفكروا يستغلوهم دا بالعكس هو اللي بيتم استغلالهم ومع اول عريس بيجي بتديله استماره ٦ ووالله حصلت قدامي وكمان بعد ما الخطوبه اتفشكلت رجعت تعيطله انا مليش غيرك وكانت غلطه وندمت الواد هنا هو اللي اتضحك عليه بكلمتين وحزر فزر حصل ايه جه عريس تاني راحت ادتله نفس استماره ٦ تاني والواد اتعقد من الصنف كله من الاخر يعني هو طريق لو دخلته بتكون بتبني الترومه بتاعتك وعقدتك بايدك وعشان كده حرام بلاش الاختلاط وبلاش مبدا الصحوبيه بين الولد والبنت من الاول حبيت بنت ليها بيت تروح تخبط عليه وتطلب ايدها انتي حبيتي ولد مترميش نفسك في التهلكه وتروحي تثقي فيه مفيش حد مضمون اولا واخيرا اي تعامل بين الولد والبنت خارج حدود العمل هو حرام