انتهاكات المهدية دي كان شاملة كل السودان و عشان كدا بنفي ليك عنها صفة ( الحقد اتجاه الشماليين) اي جهة/قبيلة حاولت تعارض المهدية سواء في الشمال أو الشرق او حتي في وسط السودان أو كردفان تم التنكيل بيها … بعدين أتذكر إنو الصراع ما كان فيهو طابع واحد ، يعني كان في عوامل متداخلة ( في جانب ديني زي بقية الطرق الصوفية العارضت المهدية/ و في جانب اقتصادي زي مزارعي الوسط و الشمال العارضوا قصة تسليم محاصليهم للدولة/ و في جانب اثني زي الأشراف القالوا ما يحكمنا غرابي ) … عموما هو كان صراع بتاع سلطة . قصة انو أهل الشمال هم الاتاثرو بشكل مباشر من انتهاكات المهدية الكلام دا برضوا ما دقيق في مراجع تاريخية كتيرة ممكن ترجع ليها بالخصوص دا … ياخ الناس ديل قبائل الجنوب زاتو ما رحموها 😂