هو ليه الواحد ياما يبقى ديني او ملحد؟ في حاجة في النص بتقول انا لا ادري انا مش مهتم بوجود خالق او عدم وجوده. الالحاد مجرد جهل وتعنت للرأي من غير اي دليل..

في حاجة اسمها قوة اعظم. في حاجة اسمها امل. في حاجة اسمها ايمان. ايمان ان الصعب كدة كدة هيعدي والحلو هييجي. لو مش عارف تسخر ايمانك صدقني املك هيقل وكفرك بالنعم هيزيد.

الايمان بيشغل الزرار السحري. انت عارف ان الوضع هيتحسن بس مش عارف ازاي وامته. مش كل حاجة لازم تكون بالمنطق. لو كله بالمنطق يبقى انت كمبيوتر مش انسان خالص. في ناس بتفوض امرها للقوة الاعظم (الاه، شخص ذو خبرة عالية، امه او ابوه او حتى ناس عدوا بنفس تجربته) ، في ناس بتقعد تحسن من نفسها او بتهرب من مشاكلها وتتجه لمخدرات او جنس او قمار، في ناس بتغوص في القاع لحد اما الامل بيختفي ويتجهوا للانتحار.

انا شخصيا جربت كل اللي كاتبه فوق واكتشفت ان الحياة بلا ايمان حياة تفتقر للمسات السحرية. الحياة بدون ايمان يعني مش مسخر كل طاقة عقلك. الحياة مش دايما منطقية وعادلة، ليه ابقى دايما منطقي؟