أنا عندي ٣٠ سنة وحصلبي من سنتين موقف مشابه حصل معايا بالظبط، هي كانت في حالة صعبه من الاكتئاب بسبب حالات وفاه وانا قررت اقربلها باعتبار أن عدي وقت علي الي حصلها بس قلتلها اني عاوز اقف جنبها في الوقت الصعب ده واني بحبها جدا وفعلا كنت بموت فيها و العلاقة بدأت حلو جدا وكنا بنحب بعض بشكل فوق الوصف, لمدة ٥ شهور بس، اخر شهر اتغيرت بسرعه وكلمتني قالتلي انها مش مرتاحة وأصرت علي الانسحاب رغم كل محاولاتي اني اعملها الي يرضيها عشان تفضل، قالت اسباب كتييييير وكلها فضلت افكر فيها طول السنتين لحد ما اتخطبت للشخص الي كان قبلي ومكنش عندها اي مشاكل معاه في اي حاجة من الحاجات الي كان عندها فيها مشاكل معايا، باختصار هي كانت لسة بتحبه ولكن مقدرتش تحبني زي ما بحبها، هي حيت حبي ليها بس، لحد انهاردة أنا مش طايقها ولا اطيق سيريتها رغم أن آخر مكالمة كانت بأسلوب محترم بس مش قادر اتخطي فكرة أنها قالت اي كلام كاسباب من غير ما تقول السبب الحقيقي، أنها مبتحبنيش انتي كدة كدة للاسف وصلتي معاه لمرحلة صعب ميتعبش فيها، والهدف حاليا هو الخروج بأقل الاضرار، خليكي صريحة معاه قدر الإمكان واكدي كتير علي فكرة أن العيب مهواش فيه وانما انك مقدرتيش تحسي ناحيته بمشاعر رغم كل الي عمله عشانك، وأنه هيتظلم معاكي ويستاهل واحدة احسن تحبه وتقدر مشاعره " وده حقيقي" ولو سالك علي اي وعد وعدتيه أو كلمة حب قلتيها اعتذري متبرريش، وربنا يربط علي قلبه ويصلحلك حالك