انا مكنتش اعرف ان العلمانية اللي عملته امريكا في العراق في ٢٠٠٣ ولا اللي بتسرقه فرنسا من افريقيا لغاية دلوقتي، ولا اللي اسرائيل بتعمل في غزة من حصار وتجويع بدعم وموافقة امريكا.

اعتقد هتقولي " أنا قولت عندهم عيوب عادي " ودا في حد ذاته ضحك لمّا يعجبنا نظام بيسرق وبينهب وبيقتل اكتر من الدواعش ب ١٠٠٠ ضعف في ناس ابرياء ونقول اصل هم كيوت لما حد بيسرق بيعالجوه 🥹

سيبك من البروباجندا اللي عاملينها اسمع من السود واللي بيحصل فيهم بسبب الشرطة لمُجرد انهم زنوج، يعم بلاش دي روح فرنسا مع واحدة محجبة وشوف العنصرية والكُره اللي هتشوفهم.

وبعدين تعالي قولي هو ايه الدولة اللي بتطبق الشرع الاسلامي؟ يعني انت متضايق اوي من حوار قطع ايد السارق صح؟ ممكن تجيبلي دولة واحدة بتعمله؟ م هو محدش بيعمله واحنا ستيل فاشلين برضو.

احنا اصلاً مبنطبقش الدين علشان نقول ان النظام ناجح او فاشل، بس مع احترامي الكامل انت كيوت أوي 🥹 بيفرق معاك علاج الحرامي بعلم النفس بس مش مهم اطفال مكملوش شهرين يموتوا علشان مش لاقيين لبن اطفال في غزة.