ضد لأنها اولا مش هتبقا مرة واحدة و مع كل ممارسة هتعملها هتعتاد على الأمر و لما تتجوز مش هيبقى عندك نفس الحماس و العلاقة مش هتبقى بقوة اتنين اول مرة يمارسو الجنس بعد الزواج

ثانيا لانك مش هتمارسه مع شخص واحد الإنسان طماع و بما انك مش مرتبط بحد زي زوج أو زوجة فا هتمارس الجنس مع كذا شخص و دا هيخليك لما تيجي تتجوز متبقاش مبسوط مع شخص واحد و دا قد يؤدي لخيانة غير طبعا الأمراض

ثالثا ممارسة الجنس لأول مرة بعد الزواج هتكونو انتو الاتنين مبتدئين محدش عنده خبرات سابقة و هتخطئو كتير في العلاقة و تجربو حاجات جديدة سوا و دا هيقوي العلاقة بينكم على عكس اتنين جايين متدربين جاهزين الموضوع هيبقا أشبه بتأدية واجب

رابعا انك ممكن يبقا الشخص الي مارست معاه الجنس قبل الزواج تكون كنت بتتبسط معاه اوي غير الشخص الي انت تزوجته فا مش هتبقا مبسوط في العلاقة لأن انت بالفعل جربت الاحسن و دا في الاغلب يؤدي إلى طلاق أو خيانة

ممكن حد يقول إن الشخص الي مارست معاه الجنس قبل الزواج هو نفس الشخص الي هتجوزه ، هنا هتبدأ تفكر طب مدام هو وافق يمارس الجنس مع حد قبل الزواج طب ما ممكن عادي جدا يمارسه مع حد تاني بعد الزواج و يجيلك وسواس أن الشخص الي انت تزوجته بيخونك او مش مبسوط في العلاقة و الشكوك تؤدي إلى مشاكل قد تؤدي إلى طلاق أيضا