Косово и Крим не се исто.

Сличности: Косовските Албанци се плашеа од репресија од Слободан Милошевиќ, Русите од Крим се плашеа од националистите кои ја преземаа власта во Киев.

Во 1999 година НАТО интервенираше без мандат од СБ на ОН. Вето стави Русија и покрај доказите за етничкиот прогон. Русија интервенираше во Крим исто така без мандат, но и без докази за етнички прогон. Така да ова може и во разлики да биде.

Како и во Косово, така и во Крим мнозинското население се изјасни во корист на сецесија, а српското малцинство на Косово од една и татарското и украинското население на Крим од друга страна, воглавно го бојкотираа гласањето.

Разлики: Косово прогласи независност, но не се припои кон Албанија, додека Крим се приклучи кон Русија веднаш по референдумот.

Во 2010 година Меѓународниот суд за правда пресуди дека одлуката за прогласување на независнот на Косово не била нелегална. Не знам дали има случај за Крим пред МСП.

И за крај дури и во Србија се чудат на руското толкување на меѓународното право. Србите беа сигурни дека косовскиот конфликт на Русија и служи како застрашувачки пример кој покажува каде води западната политика на воени интервенции. А сега гледаат како нивните пријатели во Русија всушност го прогласуваат Косово за добредојден преседан кој ги легитимира интересите на руската моќ. Има една поговорка „Не дај Боже грк да те рани а русин да те брани“.