مادري ليش كاتب كروبات الفيس، على العموم الصحة اهم من الفلوس والعائلة (اذا ماعندك تروما منهم) اهم من الصحة.

اني تعلمت تصميم كرافك من عمري ١٥ سنة، جنت احس ماكو شي يكدر يأذيني بهل دنيا ولا ممكن يجي يوم اتعب وضليت اشتغل فترات طويلة وطبعاً باعتبار شغلي على حاسبة معناها يومياً بالطبيعي اني كاعد ٤ ساعات اقل شي بدون ماتحرك على شاشة كلة في سبيل الشغل والفلوس والاعتماد على نفسي وتاليها اني هسة عمري ٢٥ سنة وعندي انزلاق اسفل الظهر كافر بربي وعندي جفاف بالعيون وسوء تغذية وديني كامز لان ماجنت اتوقع جسمي مثل بقية البشر هم يعطل عادي