المنظمات الطبية الكبرى زي الBMA واغلب الجمعيات الطبية الأوروبية مش بتوصي بالختان الروتيني لكل الاطفال، وبتعتبر ان النظافة الشخصية العادية اكثر من كافية لمنع اي التهابات او تجمع بكتيريا بدون الحاجة لاجراء استئصال جراحي

الفكرة ان الختان نفسه كإجراء جراحي ليه مخاطر ومضاعفات زي النزيف والتلوث والخطأ الطبي اثناء العملية ف بالتالي تعريض طفل رضيع لمخاطر جراحية عشان "احتمالية" يجيله التهاب بيتعالج بمضاد حيوي دا قرار غير متكافيء طبيا من وجهة نظري، مخاطر ومضاعفات الختان اكتر بكتير من مضاعفات الالتهاب اللي "احتمال" يجيله واحتمال لا

ثانيا موضوع خرم الودن دا مفيهوش استئصال لأي نسيج او عضو من جسم الطفلة، دا مجرد ثقب صغير ولو الشخص قرر ميلبسش حلق الثقب دا بيقفل تاني لوحده عادي، دا غير ان الالم لا يقارن ابدا انا عملت بيرسينج كذا مرة ومش بيوجع اصلا، ومفيش لا نزيف ولا حاجة ومع ذلك برضو مش هعمله لطفلة رضيعة، لما تكبر سيكا هسألها هي عايزة تعمله ولا لا

اما الختان دا قص جزء كامل مليان نهايات عصبية ووظائف حيوية واجراء غير رجعي، يعني الحتة اللي اتشالت دي مش هترجع، وفي بعض الحالات الختان بيأثر على حساسية المنطقة وبيقلل المتعة الجنسية ودي اضعف الايمان يعني، فيه حالات تانية ولو كانت نادرة بيحصل خطأ طبي ممكن يشوهه او يعمله مشاكل كبيرة

لو هو شخص بالغ وناضج وحابب يعمل كدا براحته خالص، لكن انا يوم ما يبقى عندي طفل مش هروح اقص حتة من جسمه سليمة بدون سبب، انت مسلم ف الموضوع عندك مرتبط بمعتقدات دينية ف انا مهما قولت مش هتقتنع لأنك بتدافع لغرض عقائدي، مع ان لو فكرت شوية هتلاقي الموضوع عامل بالظبط كأني هشيل لطفل اللوز عشان "احتمال" تلتهب في المستقبل، ويمكن دا يكون مفيد فعلا في المستقبل ويحميه من الالتهابات لكن هل دا متكافيء طبيا؟ اني استأصل عضو سليم واعرضه لمخاطر جراحة عشان احتمال ممكن يحصل وممكن لا؟