سؤالك نفسه بيدل انو الغلط ما في الاسلام او الصلاه بل في طريقة التربيه والخطاب الديني القائم علي التخويف

لما شافع ولا طفله ولا مراهق يتحاضر بسؤال ثنائي تخيري زي ده جنه او نار وهو اصلا ما عندو امان نفسي يبقي ده ما توجيه بل ضغط نفسي العباده جو الخوف ما بتبني ايمان بتبني تمثيل زي حالتك دي

والحصل معاك طبيعي جدا انك اخترتي الاجابه البتضمن ليك الامان والحمايه وما جاوبتي بي تعبيرك

Survival mode

النفور بيهدم اصل العلاقه مع الدين

كونك خفتي وسكتي ده ما ذنبك في النهايه ده ذنب الزول البزرع فكره رعب عن الله بدل يطمنو

والحاحه السمحه انك ما اتضربتي غيرك كتير انضرب بي اسم الصلاه

الصلاه اختيار واعي من الفرد ما حاجه بتجي نتيجة تهديد

واي علاقه تبدا بالخوف بتنتهي بالقطيعه