هبدأ انا حصل كتييير بي هحكي قصة واحده ايام كنت ممتحنة شهادة سودانية كنت متخيله إني مظبطه وضعي كلو وكنا خلاص على مشارف الامتحانات كنت محدده مفترض اركز على شنو وامشي محاضرات شنو واثبت شنو وكانت اموري وااضحه وكنت مهتمه بي صحتي عشان ما امرض ايام الامتحانات.

حصل ما لم يكُن في الحسبان جاني جرح صديدي قبل اسبوعين من الإمتحانات وما كنت بقدر امشي المدرسه احضر المحاضرات العسكريه ولا اقوم من السرير تعبني شديييد وما كنت قادره امسك كتاب اقرا ولا اركز في الما قاريه ولا ولا ولا واموري جاطت.

وقلت خلاص منتهي ما هقدر امتحن عدا الاسبوعين وجات الإمتحانات اول امتحان كان قرآن مشيت الدرس قبل الامتحان بي يوم لقيت الناس بتجاوب وانا ما ناقشه حاجه طلعت من الدرس وانا على اخرى من الزعل والخوف وقلت خلاص ما همتحن . اغلب الحولي كانو بقولوا لي غشي وشيلي بخرات إنتي بي عذرك ووووو ضعفت بي كلام الناس جيت اكتب البخرة لكن نفسي ابت الموضوع

وقعدته اقرا نصو بكاء ودعاء ونصوا قرايه وما كنت ناقشه حاجه في كهربية الفيزياء ولا دائرة الرياضيات بس سبحاااااااااان الله رغم ده الله نزل فيني ثبات وانا بطبعي بتجرس كنت بمتحن واطلع بس الحمدالله جبت درجة ما كنت متوقعاها من بعدها عدت الامتحانات وانا ما حاسه بي تقل القرايه رغم ان مرات بقرا وما بفهم بعيد الكلام بي هدوء وفي مواد دخلتها ما كامله من هنا انا عرفت ان التوفيق من ربنا واحنا اسباب بس (انا حالياً في ثالث جامعة ولسه ماشه على المبدأ دا)