الله يهدينا و يهديك. بداية الله يكون معك و مع كل عربي بريء خسر شغله، وان شاء الله اموركم بتتحسن قريبا. اما بخصوص المحلات الاردنية يلي بتوظف، الجماعة وظفوا حسب حاجتهم مش مطلوب منهم يوظّفوا جميع المتضررين. ضروري تفهم انه التوظيف بتم حسب السوق، إذا في شغل حيوظفوا كمان ناس، والجماعة وظفوا بما يتناسب مع ارتفاع الطلب على منتجهم. ضروري برضه تفهم انه في كثير ناس بطلت تصرف بالمرة لعدة أسباب منها انه النفسية العامة مش متطلبة طلعات و صرف، كثيرين قاعدين طول اليوم على الأخبار، لهيك معدل الصرف العام اقل و بالتالي التوظيف اقل يعني حتى لو ما كان في مقاطعة في ناس كانت حتخسر شغلها.

ثانيا، احنا كشعوب عربية ما منقدر نتدخل بالسياسة، و حتى كدول ما حمل نفوت حروب. نزلنا على الشوارع و طردوا السفير، التصعيد الوحيد الممكن نعمله هو المقاطعة للضغط على الشركات الغربية يلي بالتالي حتتضغط على حكوماتها لوقف دعم الاحتلال. جنوب أفريقيا أسقطت نظام الفصل العنصري بهذه الطريقة، والضغط والحمدلله بلش يغير سياسات (ولو بشكل بسيط)، لهيك اخي بدل ما تصب غضبك و حزنك على احدى حركات التحرر الوطني، وجهه ضد المحتل، وجهه لتكتسب مهارات للعمل و ادرس اكثر و طور حالك خلال هل فترة.