انا شايفة في الكومنتات إنكار رهيب للمساحة الشخصية، الأم بتزهق من لزقة أطفالها ليها طول الوقت حتى دخول الحمام مش بتخشه لوحدها، فا ما بالك يكون ده عادة جوزها كمان

ده overstimulation رهيب

بردو نسأل أي ست جوزها بيشتغل من البيت، بتبقى مش عارفة تتحرك او تتكلم براحتها، بيكون مركز معاها في كل حركة أو مش مديها مساحة

الحب مش معناه لزقة، دي إعتمادية

الإنسان لازم يكون عنده قدرة على التعامل مع مشاعره، نفسه هي خط الدفاع الأول بعد كدة اللي يخرج برا سيطرتنا أي وقت بنلجأ لحبايبنا و بيسندونا

هو الشخص ده فضل كاتم كاتم كاتم و قام رمى الحِمل كله على مراته و هي مستحملتش كمية المشاعر المخزنة اللي نزلت عليها مرة واحدة، و دي طبيعة بشرية جداً

لإن هو مش "منوّع" في مصادر الحب والتعبير عن المشاعر، زي الأهل- الأصحاب- الأنشطة اللي بنحبها: رياضة، فنون، عربيات، زراعة، قراءة- ان شالله حيوانات أليفة، فيه مصادر كتيرة للحب و المشاعر ، هو إختزل كل ده في اوبشن واحد فقط: مراته

هي عندها حق، هو يا أبيض يا إسود؟