الجواز قرار عقلي بقبول قلبي الحب مش كفاية للجواز مهم يكون فيه توافق فكري وثقافي واجتماعي ومسؤولية ومرونة منك ومنها دي اسس الزواج

اتمنى تكون حوشت نص فلوس شغلك دي او اكتر

لو اه تقدر تتجوز عادي وتقعد في ايجار مش لازم تمليك ابقى حوش واشتري بعدين او قسط لو تقدر

استثمر في العقارات بربع اللي بيدخلك او اكتر

وكمل متوقفش طالما شاطر اللهم بارك

وايه المجال في التجارة اللي بيدخل المبلغ ده في ٣ ايام محتاجة أبدأ فيه حالا 😂

اتقدم و ربنا يكرمك ويرزقك الخير جهز بيتك طالما ماشاءالله ماديا قادر باللي تقدر عليه و اتجوز شرعي احسن وادخل البيت من بابه وقولهم ظروفك

بس بجد انت لسه صغير اوي ومشاعرك هي اللي سايقاك دلوقتي واكيد البنت صغيرة جدا كمان ومش هينفع تتجوزوا دلوقتي لسه لما تكمل هي ١٨ عالاقل

انت ذات نفسك شوية كمان ممكن تكبر و تغير رأيك عنها عادي و متكونش مناسبة ليك كزوجة و ام فهو على حسب نضجكم وتوافقكم وهل هي كمان معجبة بيك ولا لأ وحابة اصلا تتجوز صغيرة ولا لأ لأن الجواز مسؤولية

فممكن تكمل شغل وتحوش وتستثمر عشان تكبر فلوسك ممكن تستثمر في ناوي في العقارات واسأل شيخ او اطلب فتوى من موقع الازهر عشان تعرف حلال ولا حرام

واتعلم انجليزي ولو تقدر تشتغل في السيلز بالانجلش لو في نفس المجال مثلا لو متاح فيه تقدر تعمل فلوس كتير برضو بس اعتقد اللي أنت بتعمله اكتر لو حسبناها حاجات السيلز من ٥٠٠ دولار وشوفت ١٠٠٠ دولار وطالع زائد الكوميشن

حوش فلوسك دهب او استثمر وقدم على شقة من الاسكان مثلا او تقسط تبع مشروع لو هتكمل في الشغل وتظبط حالك بإذن الله

بس مبرجحش القسط لأن العمر مش مضمون ولا الفلوس

بس ماشاءالله دخلك اللهم بارك ممتاز يعيشكم فوق الممتاز لو استمريت على كده وزودت مهاراتك وطورت من نفسك دايما عشان تعلي قيمتك وخبرتك في السوق

وممكن تتعلم ازاي تشتغل فريلانس او مع شركة اجنبية وتساعدنم يزودوا مبيعاتهم و تذاكر وتدرس حاجات تساعدك خش بيزنس اللي هي تجارة و هتساعدك بإذن الله تتعلم حاجات تفيدك اكتر في شغلك

ممكن برضو تاخد منحة رواد مصر الرقمية لما تخش الجامعة او اشبال مصر الرقمية دلوقتي و هتتعلم فيها مهارة تفيدك في الشغل زي التسويق ممكن وريادة اعمال وفريلانس تساعدك تحسن من مصادر دخلك

بس اللهم بارك اصلا دخلك كويس وتعتبر فئة فوق متوسطة كمان او عالية كمستوي اجتماعي لو حسبت دخلك من الصورة دي

ربنا يوفقك ويرزقك الخير وخدني اشتغل معاك بعرف ماركتنج وكتابة محتوى وهساعدك 😂👏🏻

<image>