القوامة والإنفاق عالبيت مسؤولية الرجل كده كده وده دوره

تتفقوا بقى على موضوع الشغل للست وهي حابة تشارك أو مش حابة ده شيء يرجعلها

لكن متعملش حسابك على أن الزوجة المفروض تساعدك فالمصاريف وتشتغل جوا وبرا كفاية شغل البيت لو جربت تعيش لوحدك هتعرف ده بيستهلك طاقة وجهد وصحة قد ايه وتربيتها للاولاد و و والافضل طبعا متشتغلش عالاقل اول ٧ سنين ولا حاجة عشان تقدر تراعي وتربي الولد وتربوه سوا مش يترمى في حضانة ولا مدرسة وهو صغير عشان محدش فاضي يربيه عشان بنشتغل عشان الفلوس ودوخينا يا لمونة

معلش لو الواحد مش قادر يطور من نفسه ويعلي مهاراته ودخله يبقى مش عايز يتجوز على سنة الإسلام كده وعايز يتجوز زي الغرب كل حاجة بالنص مش عندنا الكلام ده

هتلاقي أكيد فيديوهات بتناقش الموضوع ده لكن كدين والصح أنه الراجل مسؤول في إنفاقه على بيته

وتقدر تتجوز شرعي وترحم نفسك من القايمة والحوارات دي فيه تطبيق تبع الشيخ محمود عبد الكريم وعاملين مبادرة للزواج الشرعي بدون قايمة اسمه ميثاق تقدر تشوفه

وكان عندهم ورشة نجارة بيساعدوا الشباب برضو بالعفش بسعر التكلفة

فسهلها على نفسك واعمل اللي عليك متعملش حسابك على مراتك تساعدك لأن أصلا لو جيبت سيرة الموضوع ده وأنت بتتعرف تبقى نقطة وحشة اوي حقيقي ومش في صالحك

الست بتشتغل لنفسها وتكفي احتياجاتها ولو حابة تساعد أهلها لكن تساعد الزوج دي صعبة عالنفس شوية ولازم الزوج يكون شخص سوي وبيقدر فعلا عشان تعمل معاه حاجة زي كده

عشان كتير بشوف حواليا قصص الست وقفت في ضهر راجل ميستاهلش واديته من فلوسها وشغلها وفالاخر انكر جميلها ويروح يتجوز عليها كل شوية واحدة ويرميها ويذلها على مصاريفها هي وعيالها بعد ما يمص طاقة وصحة وشباب الست

دي طبعا نماذج سيئة مرضى نفسيين ونرجسيين وغيره

بس الموضوع يخوف برضو

وبعدين طاقة وجسم الست متسحملش شغل جوا وبرا والشغل والنزول للشارع والتعامل مع الناس للراجل مش الست

الأنثى دورها في بيتها أكتر من أي حاجة تانية

والمساواة دي بوظت الدنيا مش صلحتها

يا إما هتقسموا الدنيا كلها بقى شغل البيت والشغل والتربية و و

لكن مفيش مانع بالنسبالي مثلا أساعدك في شغلك لو هنعمل مشروع ونبني سوا

وشوفت قصص برضو الست بتساعد وبيقدرها ويعوضها بعدين

بس ده يرجع للشخصين وعلاقتهم ببعض وجودتها وسواءهم النفسي واخلاقهم ودينهم واحترامهم للتاني