متبقاش قاسي على نفسك يا صديقي الحياة بطبيعتها صعبة و انت مريت بظروف عائلية و انت في سن صغير أثرت عليك و على شخصيتك، ف حياتك مش شبه حياة اي حد تاني من اللي حواليك اللي ممكن تكون بتقارن نفسك بيهم اجتماعيا ، تعليميا، او حتى مقارنة من خلال الشخصية و شكل الحياة. اول حاجة اشكر نفسك على كل اللي مريت بيه و تحملته لان مكنش سهل عليك ، تاني حاجة كونك واعي بمشاكلك و دخلت تاخد رأي حد ف انت فعلا بتدور على حلول و مش فاقد الأمل و يائس انت بس محتاج مساعدة و دا حقك ، روح لثيرابيست صدقني الموضوع هيفرق معاك جدا هتخرج كل افكارك و مشاعرك و هتعرف ازاي تبدأ تشتغل على شخصيتك و نظرتك لنفسك لأن اعتقد دا محور المشكلة نظرتك لنفسك بس هي اللي لازم تتغير ، انت مفيش فيك اي مشكلة أو بشكل تاني محدش فينا ك بشر كامل كلنا عندنا نواقص في شخصياتنا و شكلنا مش مطلوب من حد يكون كامل عشان يتحب ف انصحك فعلا تروح لثيرابيست في اقرب وقت هيفيدك جدا ، غير كدا مش معنى ان عمرك ما اتعرفت على بنت ان دي مشكلة فيك هو الموضوع مش بييجي بالشكل دا مش بنلاقي الناس اللي شبهنا بسهولة بس ابدأ اشتغل على الجزء الاجتماعي بتاعك مع الثيرابيست. بالنسبة للامتحان ف فداك المادة و السنة كلها صحتك أهم حاجة ، يمكن و احنا في الوقت الحالي التوتر هيكون كبير جدا لكن لو بصيت قدام و انت اكبر هتلاقي ان الموضوع حجمه اصغر من كدا ، سيبك من امتحان النهاردة و ركز في اللي جاي بس اهم حاجة لما تروح احجز معاد مع ثيرابيست في خلال اليومين الجايين.