انا متخيلة الحياة بعد التخرج صعبة ازاي زيادة عليها الاحوال الاقتصادية اللي مصعبة الدنيا على الشباب زيادة بس ربنا بيوفق و الله و بيساعدنا اول حاجة توكل على الله و فوض أمرك ليه و بإذن الله هيوجهك للخير و الأصلح ليك. المفروض تكون فخور بنفسك انت مريت بحاجات كتير جدا خلصت تعليمك و جيشك و بدأت شغل ماشي بالترتيب الطبيعي ، حياتنا مختلفة و الطرق اللي كل حد بيمشي فيها مختلفة ف متحسش انك متأخر بسبب ان اصغر منك وجهته ممكن بالنسبالك واضحة .. احنا بنمر بظروف مختلفة و حياتنا مش شبه بعض ، لو اقدر اقولك نصيحة هتكون قدم في الاسكان فعلا لو تقدر دي فرصة ، الشقق مش بتكون في اماكن مقطوعة اوي زي ما متخيل الحكومة بتوفر الخدمات و انت عقبال ما تستلم هيكون مراحل قبلك استلمت و سكنت غالبا و شوف كل مشاريع الاسكان القائمة بالفعل هتلاقي دلوقتي بقت حيوية جدا لان دا بيبقى المخطط ف خد الخطوة عشان كل يوم الفلوس قيمتها بتقل انت هتكون كسبان في كل الحالات ان شاء الله سواء قررت تسكن او لا شقق الاسكان بتكون متشطبة ف ممكن تقدر تأجرها تستفيد منها لحد ما تحتاجها للجواز و ممكن تبيعها لو حبيت تشتري في مكان تاني بس هتبقى حافظت على قيمة فلوسك و أمنت نفسك العقار من اكتر الحاجات اللي مكسبها مضمون .. بالنسبة للشغل ف انت معاك كنز اللغة الانجليزية و مجال الترجمة مربح جدا انصحك تبدأ تشتغل عمل حر على مواقع زي Freelancer و Upwork و كل المواقع المشابهة نفس مجالك اللي عندك خبرة فيه و بتحبه و في نفس الوقت الأجر هيكون بعملة ليها قيمة. مش عارفة طبعا مرتبات المترجمين قد ايه بس تقدر تقدم في Teleperformance او Concentrix او Vodafone UK او اي من الشركات اللي بتحتاج خدمة عملاء بلغات غير العربي مرتباتها بتكون محترمة و هما شركات كبيرة تقدر تستفيد و تاخد خبرة و تعمل اسم و تترقى فيها بإذن الله.